Ай мен Айша

Авторы: Ш.Мұртаза

Жанр: Драма

Ұзақтығы: 2 сағат 15 минут

Жас санаты: +7

Сипаттама:

Спектакль жазушы Шерхан Мұртазаның «Ай мен Айша» романы мен «Мылтықсыз майдан» повесі бойынша Еркін Жуасбек жазған драма бойынша қойылды.

Сонау сұрапыл соғыс жылдары майданның барлық  ауыртпалығын елде бастан кешкен ауыл адамдары, соның ішінде – «халық жауы» атанып, айдауда дүние кешкен отағасының аманаты – үш балапанын қалайда аман-есен  жетілдіруді мақсат еткен Айшаның отбасы бейнеленеді. Алапат соғыс, ел ішінде де  аштық, шарасыздық. Жау жағадан алғанда  соғыстан бой бұғып қалған қорқаулар етектен тартқылап, осы аласапыранда қарлығашша шырылдаған Айша жанталасып, тіршілік үшін күресуде. Бұл – жалғыз Айшаның тағдыры емес, ел тағдыры. Елдің өшпес өршіл рухы бұл жолы да жасампаз. Спектакль – жеңіс үшін, өмір-тіршіліктің жалғасы үшін тылда жан аямай еңбек еткен барлық Ана мен баланың, кейуаналар мен ақсақалды аталардың ерен ерлігіне тағзым.

Премьера: 11,12 сәуір 2015 ж.

Қоюшы-режиссер – Тұңғышбай әл-Тарази, Қазақстанның халық артисі, ҚР Мемлекеттік сыйлықтың лауреаты

Режиссердің ассистенті – Г.Жақыпова,  Қазақстанның халық артисі

Қоюшы-суретшісі – М.Сапаров

Киім үлгісінің суретшісі – Б.Әбдіманапова

Композиторы – Ш.Базарқұлова

Биін қойған – Г.Мұхамеджанова

Пластикалық композицияны қойған – Г.Бахарова

Режиссердің көмекшісі – Ү.Сейтімбет

Өкінішке орай алдағы қойылымдар табылмады