Дулыға Ақмолда

Ақмолда Дулыға Досмұхамбетұлы, Қазақстанның еңбек сіңірген қайраткері, Қазақстан  Жастар одағы сыйлығының лауреаты.

1971ж. Жамбыл облысы Сарысу ауданы Саудакент ауылында дүниеге келді. Байқадам орта мектебі және Саудакенттегі Ықылас атындағы музыкалық мектепті бітірді.

1993ж. Қазақ Мемлекеттік Т.Жүргенов атындағы Театр жәнЕ кино институтын (қазіргі Өнер академиясы) «Театр-кино актері» мамандығы бойынша бітірген. Театрда осы жылдан бастап қызмет етеді.

Сахнадағы негізгі рольдері:

Ұлттық классика мен заманауи драматургияда: М.Әуезовтің «Абайында»  Мағауия  (реж. Ә.Мәмбетов),  Керім (реж.  Е.Обаев),   «Айман-Шолпанында» Жарас (реж. Е.Обаев), М.Жұмабаевтың «Шолпанның күнәсінде» Әзімбай (сахналық нұсқа Ә.Тарази),  Ғ.Мүсіреповтің «Қозы Көрпеш-Баян сұлуында» Жантық («Махаббат дастаны») (реж.Қ.Сүгірбеков), А.Сүлейменовтің «Кегінде» бекзада Сарын,  «Жетінші палатасында» Рахат, «Қыздай жесір – штат қысқартуында» Дәріс (реж. Ә. Рахимов),  Шахимарденнің «Томирисінде» Спаргапис, Шахимарден мен Қ.Ысқақтың «Қазақтарында» Мойынсыз (реж.Т. әл-Тарази),  Т. Ахметжанның «Сұлу мен суретшісінде» Суретші (реж. Н. Жақыпбай),  Қ.Мұхамеджанов, Ш.Айтматовтың «Көктөбедегі кездесуінде» Мәмбет (реж.О. Кенебаев), Д. Исабековтың «Жаужүрегінде» Троицкий (реж. Е. Обаев), С.Асылбекұлының «Империядағы» кешінде» Тойболды (реж. А. Кәкішева), М. Әуезовтің «Қилы заманында» Фонов (реж. Ә. Рахимов), И. Ғайыптың «Мен ішпеген у бар ма?…» спектаклінде Күнту (реж.О.Кенебаев), Т.Әбдіковтың «Ұлы мен ұры» қойылымында Ұры (реж. Е. Обаев, Е. Нұрсұлтан), Ғ. Есімнің «Таңсұлуында» Бақсы (реж. А. Кәкішева), Иран Ғайыптың «Қорқыттың көрінде» Қорқыт т.б.

Әлемдік классика мен заманауи драматургияда:  Шекспирдің «Асауға – тұсауында» Горацио (реж. Ә. Мәмбетов), «Ромео мен Джульеттасында» Ромео (реж. О. Салимов), К.Гоццидің  «Турандот ханшайымында» Бригелла (реж. Т. әл-Тарази), Гогольдің «Ревизорында» Хлестаков («Пара», реж. Е. Обаев), «Үйленуінде» Кочкарев (реж. В. Захаров), Чеховтың «Шағаласында» Треплев (реж. Б. Атабаев), Кафканың «Құбылысында» Грегор Замза (сахналық нұсқа Е. Аманшаев, реж. Қ. Сүгірбеков) Г.Гауптманның «Ымырттағы махаббатында» Ганфельд (реж. Р. Андриасян), М. Кәрімнің «Ай тұтылған түнінде» Диуана («Күнәһар», реж. О. Кенебай), түрік драматургы Т.Жуженоғлының «Көшкінінде» Жігіт (реж. А. Кәкішева) т.б.

Театрдың дәстүрлі «Театр көктемі» фестивалі, сондай-ақ республикалық және  халықаралық театр фестивальдерінің (Корея, Түркия)  бірнеше мәрте жүлдегері.

Кинорольдері:

«Қыз жылаған» – Дулыға (реж. С.Нарымбетов, 2001), «Сардар» – Бекзада (реж. Б.Қалымбетов, 2002),  «Біржан сал» -Сал (реж. Д.Жолжақсынов, 2009), «Егіздер» – Жандос (реж.  А.Нарымбетов, 2011),  «Ақсұңқар» – Сері («Хабар» арнасы, реж.М.Бидосов, 2010), «Мағжан» – Мағжан Жұмабаев (деректі фильм, 2013) т.б.
Белгілі актер телебағдарламаларға («Тамаша» телетеатры, «Әзілстан», «77 күн» бағдарламалары, «Хабар», КТК телеарналарындағышоулар)  белсенді қатысқан, көркем және анимациялық фильмдердің қазақ тілінде көркем  шығуына, яғни көркем дубляжға атсалысып жүр.

Атақты күйшілер Ықылас, Сүгір, Әйкен, Төлегендер шыққан өңірдің түлегі Дулыға – шертпе күйдің шебері, қобызшы, сазгер. Жас композиторлардың «Үкілі үміт» байқауының жүлдегері (1993).

ҚР Жастар одағы сыйлығының лауреаты (2002).

ҚР Еңбек сіңірген қайраткері (2010).