Құрметті көрермендер!

Осы кешіңізді қазақ өнерінің қара шаңырағы - М.Әуезов атындағы Ұлттық драма театрына арнағаныңызға үлкен ризашылығымызды білдіре отырып, театр мәдениетін естен шығармауларыңызды өтінеміз:

Құрметпен,
Театр әкімшілігі

Дресс-код

  • Театр — биік мәдениет орны. Мұнда кешкі, сәнді киіммен келген абзал, спорттық үлгідегі киімдер мұнда жараспайтыны әбден белгілі.

Балаларға

  • М.Әуезов театры ересек көрермендер аудиториясына арналғандығын естен шығармаңыз. Билет алар алдында спектакльдің жас санатымен мұқият танысуыңызды сұраймыз. 7 жасқа толған балаларға да арнайы билет алынуы керек.

Залдағы тәртіп

  • Спектакль алдында ұялы телефондарды «дыбыссыз» режимге қою қажет.
  • Көрермен залына арнайы қоңырау соғылған соң бірақ кіріңіз. Қойылымдар үшінші қоңыраудан кейін басталады және сол сәтте көрермен залының есігі жабылады.
  • Үшінші қоңыраудан соң залдағы жүріс тоқталуы қажет. Сондықтан, спектакльге кешікпей келуіңізді өтінеміз.
  • Кешігіп келген жағдайда залға екінші қабат арқылы өтіңіз.
  • Егер билетте көрсетілген орныңыз бос болмаса, тыныштық сақтап, екінші актіге дейін жақын маңдағы бос орынға отырыңыз немесе билет тексерушіден көмек сұраңыз.
  • Көрермен залына сырт киіммен кіру және онда бас киіммен отыру өте орынсыз.
  • Қатарлар арасынан арқаңызды сахнаға, ал жүзіңізді отырғандарға қарата өткен жөн.
  • Театрда темекі шекпеуіңізді және залға тағам, сусын алып кірмеуіңізді өтінеміз.

Спектакль кезінде

  • Спектакль кезінде залда тыныштық сақтап, айналаңыздағыларға және сахнадағы артистер ойынына кедергі келтірмеуге тырысыңыз.
  • «Авторлық және аралық құқық туралы» заңдар талаптарына байланысты фото және бейнетүсірілімдер жасауға рұқсат етілмейді.
  • Гүл шоқтарын ұсыну үшін спектакль аяқталып, сахна шымылдығы жабылғаннан кейін актерлердің көрерменге тағзымға шығатын сәтін күту қажет. Премьераларда спектакль режиссері, суретшісі, т.б. гүл шоқтары да осы кезде ұсынылады.
  • Көрермен залынан үзіліс кезінде және спектакль аяқталған соң ғана шығу керектігін де еске саламыз.