БАҚ біз туралы

16 қыркүйек күні «Almaty Theatre» театрында ғасырға жуық тарихы бар Мұхтар Әуезов атындағы Қазақ ұлттық драма театрының 99-шы маусымының ашылу салтанаты өтті. Жаңа маусым «Қозы Көрпеш-Баян Сұлу» қойылымымен ашылды, деп хабарлайды “Адырна” ұлттық порталы. Ғасырға жуық тарихы бар театрдың жаңа маусымының өзге ғимаратта ашылу себебі, қазір Мұхтар Әуезов атындағы Қазақ ұлттық драма театрының ғимаратында жөндеу жұмыстары жүргізілуде. Бұл туралы Мемлекет басшысы Қасым-Жомарт Тоқаев «Мәдениет және өнер қызметкерлері күніне» орай өткен салтанатты жиында мәлімдеген еді. Өнер ордасындағы жұмыстарды театрдың 100 жылдық мерейтойына орай аяқтау жоспарланған.

2024 жылдың 16 қыркүйек күні «Almaty Theatre» театрында Мұхтар Әуезов атындағы Қазақ ұлттық драма театрының 99-маусымының ашылу салтанаты өтеді, маусымашар қойылым ретінде Ғ.Мүсіреповтің «Қозы Көрпеш-Баян Сұлу» спектаклі сахналанады. 1926 жылы 13 қаңтарда өз шымылдығын Мұхтар Әуезовтің «Еңлік-Кебек» трагедиясымен ашқан, осы уақытқа дейін үлкен белестерден өтіп, ұлттық өнердің символына айналған Мұхтар Әуезов атындағы Қазақ ұлттық драма театры 2026 жылы ғасырлық тойын тойламақ.

АЛМАТЫ. KAZINFORM – «Almaty Theatre» театрында Мұхтар Әуезов атындағы Қазақ ұлттық драма театрының 99-маусымының шымылдығы түрілді. Театарда маусымашар қойылым ретінде Ғабит Мүсіреповтің «Қозы Көрпеш-Баян Сұлу» спектаклі сахналанды. Маусымашарға арналған баспасөз мәслихатында Мұхтар Әуезов атындағы Қазақ ұлттық драма театрының көркемдік жетекшісі, Қазақстан Республикасының Еңбек Ері, КСРО және Қазақстанның халық артисі Асанәлі Әшімов өз тілегін білдірді. – Театрды ұлы адамдар бастаған. Сол ұлыларымыздың ізімен, солардың салған жолымен біздің театр айнымай жүріп келе жатыр. Осы дәстүрді жастарымыз жалғастырып кетсе, сол бақытымыз Үлкен театрдың 99 емес, 199 жылдығы да өтсін деп тілеймін, - деді Асанәлі Әшімов.

Мұхтар Әуезов атындағы Қазақ ұлттық драма театрының 99-шы маусымының ашылу рәсімі өтті, деп хабарлайды Алматыдағы BAQ.KZ тілшісі. Өнер ордасының ғимараты толығымен қайта өңдеуден өтетіндіктен, театр репертуарындағы 70-тен астам спектакль сахналанбақ. Сондай-ақ театр алыс-жақын шетелдерге, еліміздің әр облыстары мен аудандарына гастрольдік сапарға шықпақ. Жаңа спектакльдерді қою, премьера өткізу осы екі жылда тоқтайды. Себебі біздің цехтарымыз жоқ. Декорация, киім тігу үшін. Бұның барлығы өзіміздің ғимаратымызда қалды. Алдағы уақытта репертуарымыздағы 70-тен астам спектакльді көрерменге көрсету негізгі міндетіміз болады. Әлі де жас режиссер, мамандарды шақырту тірі ағза ретінде жүре береді. Болашақта жасайтын ең маңызда шаруа, театрдың 100 жылдық торқалы тойы болмақ. Соған дайындық жүргіземіз. Ол уақытқа дейін ғимаратымыз толық жөндеуден өтіп, пайдалануға беріледі деген сенімдеміз, - деді Мұхтар Әуезов атындағы Қазақ ұлттық драма театрының директоры Еркін Жуасбек.

Мемлекет басшысы Қасым-Жомарт Кемелұлы Тоқаев Мәдениет және өнер қызметкерлері күніне орай өткен салтанатты жиында Мұхтар Әуезов атындағы Қазақ ұлттық драма театрының ғимараты жақында толықтай қайта жаңғыртылатынын айтты. Бұл жұмыс аталған өнер ордасының 100 жылдық мерейтойына орай, яғни 2026 жылы аяқталады.Дегенімен, шығармашылық әлеуеті жоғары театр ұжымы биік көркем өнер, жаңа тұрпатты мәдениет жасау, отансүйгіштік, ізгілік, адамгершілік, сұлулықты дәріптеу жолындағы жұмысын тоқтатпайды.

Сахна өнерінің қара шаңырағы Мұхтар Әуезов атындағы Қазақ ұлттық драма театры көшпелі қойылымдар қояды. Бұл туралы ұжым басшылығы 99-шы театр маусымының ашылуында мәлімдеді, деп хабарлайды 24kz. Шығармашылық топ екі жыл бойы өңірлерді, жақын шетелдерді аралап өнер көрсетеді. Аршын Кемелжан, тілші: - Биыл Мұхтар Әуезов атындағы Қазақ ұлттық драма театрының 99- маусымы «Алматы театрында» ашылды. Себебі, қарашаңырақтың 100 жылдығына орай тарихи ғимарат күрделі жөндеуге жабылған. Бірақ театр труппасы бос отырмапты. Жақында Өзбекстанның Ташкент, Нүкіс қалаларында болып спектакль қойып қайтқан. Еркін Жуасбек, М.Әуезов атындағы қазақ ұлттық драма театрының директоры: - Бұл негізінен гастрольдік маусым болайын деп тұр. Қазақстан Республикасының Мәдениет және ақпарат министрлігі біз үшін үлкен бағдарлама жасады. Яғни, біз келесі жылы осы 100 жылдықтың қарсаңында деген атпен бүкіл Қазақстанды және жақын маңдағы шетелдерді аралап шығамыз деген үлкен жоспарымыз бар. Театр репертуарында 70-ке жуық спектакль бар. Сәбит Мұқановтың «Мөлдір махаббаты», Төлен Әбдіковтің «Ұлы мен Ұрысы», вальс королі Шәмші рухына бағышталған «Сыған серенадасы» секілді әртүрлі жанрдағы қойылымдарды көрермен асыға күтетіні анық. Әкемтеатрдың гастрольдік шеруі Алматы облысынан басталып, өзге өңірлерге ойысады. Асанәлі Әшімов, халық артисі, Қазақстанның еңбек ері: - Басқа сахналарды көру ол да кішкене тәжірибе береді, шеберлік шыңдайды. Біздің мақсат – жастардың шеберлігі шыңдалса, жан-жағын көрсе, арман-дәстүрлерді созса ары қарай. Сол арманымыз. Маусымашарға келушілер Ғабит Мүсіреповтің «Қозы Көрпеш – Баян Сұлу» қойылымын тамашалады. Бұл қазақ әдебиетінің жауһар туындысы саналады. Біздің тарихымыз бен мәдениетімізді ұштастыратыратын, өткеніміз бен бүгінімізді бағамдауға мүмкіндік беретін бірегей туынды. Авторлары: Аршын Кемелжан, Мұхит Құдықбаев Источник: https://24.kz/kz/zha-aly-tar/m-denie/item/671082-uezov-teatryny-zhymy-irlerdi-aralajdy Қолданылған материалдарға міндетті түрде 24.kz сайтына гиперсілтеме берілуі тиіс