"ҚАРА ШАҢЫРАҚ - 2022" театр фестивалінің жеңімпаздары

КСРО және Қазақстанның Халық артисі, КСРО Мемлекеттік сыйлығының лауреаты, Халық қаһарманы Әзірбайжан Мәдиұлы Мәмбетовтің  90 жылдығына арналған  «ҚАРА ШАҢЫРАҚ - 2022» жаңа қойылымдар театр фестивалінінің атаулы жүлде иегерлерімен таныс болыңыздар:  

•     «Ә.Мәмбетов атындағы»  жүлдесімен М.Әуезовтің «Қарагөз» спектаклі үшін -  режиссёр Елік Нұрсұлтан.

•     «Ш.Жандарбекова атындағы» жүлдесімен  Ж.Бауыржанқызының «Қайдасың, мама?!» спектакліндегі Сара рөлі үшін -  Зәуре Көпжасарова.

•     «Қ.Жетпіспаев атындағы» жүлдесімен  Ә.Нұрпейісовтің «Қан мен тер. Ақбала»  спектаклінің режиссёрі -  Аридаш Оспанбаева.

•     «Б.Жанғалиева атындағы» жүлдесімен Қ.Бегмановтың «Менің Мұстафам!..»   спектакліндегі Мария рөлі үшін - Күнсұлу Шаяхметова.

•     «Үздік ер адам бейнесі» жүлдесімен М.Әуезовтің «Қарагөз» спектакліндегі Сырым рөлі үшін және  Д.Исабековтің «Мақшар түнгі махаббат» спектакліндегі Құрбан рөлі үшін -  Нұрғиса Қуанышбайұлы.

•     «Үздік әйел адам бейнесі»  жүлдесімен  Б.Шоудың «Сүйікті менің періштем» спектакліндегі Элиза рөлі үшін -  Әсел Сайлауова.

•     «Екінші пландағы ер адам бейнесі»  жүлдесімен  Б.Шоудың «Сүйікті менің періштем» спектакліндегі Пикеринг және Ә.Нұрпейісовтің «Қан мен тер. Ақбала»  спектакліндегі Фёдоров рөлі үшін -  Жасұлан Байсалбеков.

•     «Екінші пландағы әйел адам бейнесі»  жүлдесімен  Р.Отарбаевтың «Қытайдан жеткен сәлемдеме» спектакліндегі Базаркүл рөлі үшін -  Шынар Асқарова.

•     «Үміт» жүлдесімен Р.Отарбаевтың «Қытайдан жеткен сәлемдеме» спектакліндегі жас Өмірбай рөлі үшін - Әлсейіт Есбатыров.

•     «Көрермен көзайымы» жүлдесімен Д.Исабековтің «Мақшар түнгі махаббат»  спектакліндегі Кенжеғұл рөлі үшін - Мағжан Асаубай.


Өзге жаңалықтар

24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.
12 қаңтар
Хабарландыру