ҚҰТТЫҚТАЙМЫЗ!

ҚҰТТЫҚТАЙМЫЗ!

2022 жылдың 16 наурызында А.П.Чехов атындағы Алматы қалалық кітапханасында театрымыздың әдебиет бөлімінің қызметкері, жазушы-драматург Қолғанат Мұраттың "Пони" атты пьесалар жинағының тұсаукесері өтті. 

Тұсаукесер рәсіміне  драматург Қолғанат Мұраттың аға-әріптестері, студенттері мен шәкірттері жиналды. Кеш қонақтарының қатарында журналист, аудармашы, әдебиеттанушы, сыншы, Қазақстанның еңбек сіңірген қайраткері, "Алаш" Халықаралық әдеби сыйлығының лауреаты, “Құрмет” орденінің иегері Әлия Бөпежанова, белгілі жазушы, аға драматург "Алаш" халықаралық әдеби сыйлығының лауреаты Сұлтанәлі Балғабаев, сонымен қатар, Т.Қ.Жүргенов атындағы Қазақ Ұлттық өнер академиясы, "Өнертану" факультетінің деканы Меруерт Жақсылықовалар болды. 

Қонақтар жинақ авторына жылы лебіздерін арнап, драматург шығармашылығы туралы пікірлерін білдірді. Студенттер Қолғанат Мұраттың жаңа кітабына, драматургиясына байланысты сұрақтарын жолдап, әңгіме-сұхбат құрды. 

М.Әуезов атындағы Қазақ ұлттық драма театры ұжымы пьеса жинағының жарық көргеніне қуана отырып, авторды шын жүректен құттықтайды. Театрымыздың қызметкері, драматург Қолғанат Мұраттың шығармашылығына толағай табыс тілейміз!

Жазарыңыз таусылмасын, қаламыңыз мұқалмасын!


Өзге жаңалықтар

24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.
12 қаңтар
Хабарландыру