“АБЫЗҒА АЙНАЛҒАН АСАНӘЛІ”

“АБЫЗҒА АЙНАЛҒАН АСАНӘЛІ”

8 сәуір күні Алматы қалалық Орталық музейде актер, режиссер, профессор, Қазақ КСР халық артисі, КСРО халық артисі, Қазақ КСР мемлекеттік сыйлығының лауреаты, КСРО мемлекеттік сыйлығының лауреаты, Қазақстан театрлар ассоциациясының президенті, Мұхтар Әуезов атындағы Қазақ ұлттық драма театрының көркемдік жетекшісі, Қазақстанның Еңбек Ері - Асанәлі Әшімовтің 85 жасқа толуына орай ұйымдастырылған “Абызға айналған Асанәлі” атты көрме өтті.

Көрмеге сахна саңлағының жақын-жолдастары, өнердегі әріптестері, үзеңгілестері, зиялы қауым өкілдері бой көрсетіп, сөз сөйледі. Олардың ішінде - Алматы қаласы әкімінің орынбасары Арман Қырықбай, М.Әуезов атындағы Қазақ ұлттық драма театрының директоры, Қазақстанның еңбек сіңірген қайраткері Еркін Жуасбек, театрымыздың кеңесшісі, режиссері, профессор, Қазақ КСР Халық артисі, Қазақ КСР Еңбек сіңірген өнер қайраткері, "Барыс", "Парасат" ордендерінің иегері Есмұхан Обаев, қазақ мәдениеті, әдебиеті мен ғылымының ірі өкілдері - Жүрсін Ерман, Алтынбек Қоразбаев, Төрегелді Шармановтар қатысты.

Орталық музейге театр корифейінің жеке қорынан 200-ге жуық экспонат өткізілген. Сонымен қатар, М.Әуезов атындағы Қазақ ұлттық драма театры музейі қорынан Асанәлі Әшімовтің жеке заттары да арнайы апарылды. Олардың ішінде - актердің сахналық киімдері, естелік суреттері, кітаптары, құжаттары, наградалары бар.


Өзге жаңалықтар

24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.
12 қаңтар
Хабарландыру