"ҰМЫТПАЙМЫЗ. МАҚТАН ТҰТАМЫЗ. ҚҰРМЕТТЕЙМІЗ"

"ҰМЫТПАЙМЫЗ. МАҚТАН ТҰТАМЫЗ. ҚҰРМЕТТЕЙМІЗ"

18 сәуір – ЮНЕСКО жанындағы Халықаралық кеңес ассамблеясы бекіткен Дүниежүзілік ескерткіштер мен тарихи орындар күні.

Осы атаулы күнге орай, Алматы қаласының Алмалы ауданында жыл сайын "Ұмытпаймыз. Мақтан тұтамыз.
Құрметтейміз" атты патриоттық акциясы ұйымдастырылып келеді.

Қарашаңырақ – М.Әуезов атындағы Қазақ ұлттық драма театры да аталмыш акцияға қатысып, белсенділік танытты. Театр алдында орналасқан Мұхтар Омарханұлы Әуезовтің ескерткішіне тағзым етіп, гүл қойды.

Шара аясында театрымыздың актері, Қазақстанның еңбек сіңірген қайраткері, "Құрмет", "Парасат" Ордендерінің иегері Болат Әбділманов, театрымыздың актрисасы, Қазақстанның еңбек сіңірген қайраткері Шынар Асқарова, театрымыздың актері, “Серпер” сыйлығының лауреаты Алмас Шаяхметов, театрымыздың актері Мейрамбек Тағанов ұлттық театр репертуарындағы «Абай» спектаклінен үзінді өлеңдер оқып, театр артистерінен құралған хор «Желсіз түнде жарық ай» әнін орындады.

Ескерткіш маңына #67 мектеп оқушылары келіп, актерлердің өнерін тамашалап, өздері де Мұхтар Әуезовтің өмірі мен шығармашылығы жайлы сөз сөйледі.


Өзге жаңалықтар

28 қаңтар
Хабарландыру
24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.