Алматы қаласы, Абай даңғылы 103
Бүгін Ұлттық кітапханада Дүниежүзілік кітап және авторлық құқық күніне орай қазақтың ұлы жазушысы М.О.Әуезовтің 125 жылдығына байланысты “Мұхтар Әуезовтің мұрасы және отаншылдық рухы” атты әдеби кеш ұйымдастырылды.
Аталмыш шараға театрымыздың актері, Қазақстанның еңбек сіңірген қайраткері Асылбек Боранбай, театрымыздың актрисасы, Қазақстан Жастар Одағы сыйлығының иегері, Қазақстанның еңбек сіңірген қайраткері Шынар Асқарова, театрымыздың режиссері Аридаш Оспанбаева қатысты.
Қатысушылар мен кеш қонақтары жазушының әдеби мұрасын талқылап, деректі фильмін тамашалады.
Әуезовтің терең де тағылымды шығармалары әлі қанша ғасырға азық болатыны жайында, біртуар қаламгердің қазақ әдебиетіндегі орны туралы тұшымды ойлар айтылды.