Театрдағы кездесу!

Бүгін театрымыздың артистері - Қазақстан Жастар Одағы сыйлығының иегері, Қазақстанның еңбек сіңірген қайраткері Шынар Асқарова мен «Серпер» жастар сыйлығының иегері, Қазақстанның еңбек сіңірген қайраткері Еркебұлан Дайыров “Ұлан” газетінің жас тілшілерімен кездесті.

Олар Əл-Фараби атындағы Қазақ ұлттық университеті Журналистика факультеті “Ұлан” газетінің қолдауымен ұйымдастырған XLIX «Жас тілшілер» форумы аясында «Журналист болғың келе ме?» республикалық мектеп оқушылары арасында ең үздік шығармашылық жұмыстар байқауының жеңімпаздары.

Сырласу бұрышында артистер жас тілшілердің көкейіндегі сұрақтарына жауап беріп, еркін әңгіме-сұхбат құрды.

Кездесуден кейін оқушылар “Бес бойдаққа бір той” комедиясын тамашалап, спектакльден ерекше әсер алып қайтты.


Өзге жаңалықтар

24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.
12 қаңтар
Хабарландыру