АСАНӘЛІ ӘШІМОВ - 85 ЖАСТА!

2022 жылдың 8 мамырында М.Әуезов атындағы Қазақ ұлттық драма театрында қазақ өнерінің абызы, театрымыздың көркемдік жетекшісі, Қазақстанның Еңбек Ері, КСРО және Қазақстанның халық артисі, Мемлекеттік сыйлықтың лауреаты Асанәлі Әшімовтің 85 жас мерейтойына арналған “ӨНЕРІМ - ӨМІРІМ” атты интерактивті спектаклі жоғары деңгейде өтті.

Мерейтойға келген қонақтар қатарында қазақ өнері, мәдениеті, әдебиетінің белді өкілдері, актердің өнердегі замандас-үзеңгілестері, шәкірттері, жақын-жолдастары бой көрсетті. Кеш басталмас бұрын көрермендер театр мұражай қоры ұйымдастырған “Тағдыры - өнер тарихы” көрмесін тамашалады.

Бұл кеш - бұрынғылардан өзгерек. Интерактивті спектакльге куә болған көрермендер өнері өміріне негіз болған аңыз актерге тілек-лебіздерімен қатар, көкейіндегі сұрақтарын қойып, театр сахнасы - ашық сұхбат алаңына айналды. Асанәлі Әшімовтің өнер жолындағы үлгі боларлық өмір жолы туралы әңгімелер айтылып, өнер тарланының 85 жылдық мерейтойы ерекше атап өтілді.

Сұхбатқа көрермен залындағылардан бөлек, еліміздің әр бұрышынан онлайн байланысқа шығып, сұрақ жолдағандар да көп болды. Тұщымды әңгімені театр артистерінің әсем әні әрлей түсті.

Абыз актермен еркін әңгімелескен көрермен бұл кештен ерекше әсер алып, мәдени, рухани демалып қайтты.


Өзге жаңалықтар

24 қаңтар
Хабарландыру
Зеллер пьесасы және бүгінгі сахна
Француз драматургінің отбасы құндылығын биіктетуге үн қосқан спектаклі өз уақытында Парижде, Лондонда, Нью-Йоркте, Мәскеуде, Сиднейде, Гонконг театрларында қойылып, драматургияның ірі табысы ретінде бағаланып, күні бүгінге дейін режиссерлер қауымын қызықтырумен келеді екен. Әлемді адымдап жүріп қазақ елінің сахнасына да жеткен Флориан Зеллердің атақты пьесасының желісімен «Жан әке» атауын иеленіп, М.Әуезов атындағы Ұлттық драма театры жарыққа шығарған бетте «жақсыны көрмекке» деп ағылған көрермендер қатарынан біз де орын алуға қамдандық.
13 қаңтар
Хабарландыру
«ЖАН ӘКЕ»: ҚАЗАҒЫМ, ҚАЙДА БАРАСЫҢ?..
Жаңа жылдың жетінші күні марқұм Қалихан Ысқақ ағамыздың дуалы аузымен «Әкемтеатр» деп аталып кеткен, сол атауы жанға жылы тиетін еліміздің бас театры Мұхтар Әуезов атындағы ұлттық академиялық қазақ драма театрында «Жан әке» («Қазағым, қайда барасың?») деп аталатын спектакльдің премьерасы болды. Француз драматургы Флориан Зеллердің пьесасын Қазақстанның халық артисі Тілектес Мейрам орыс тілінен аударған екен, сол мәтіннің негізінде қазақша нұсқасын жасап шыққан әрі басты рөлді сомдаған – Болат Әбділман, режиссері – Асыл Құдайберген.
12 қаңтар
Хабарландыру