ҰЛТТЫҚ ТЕАТР - СЕМЕЙДЕ!

ҰЛТТЫҚ ТЕАТР - СЕМЕЙДЕ!

2022 жылдың 10 мамырында Семей қаласындағы Абай атындағы мемлекеттік қазақ музыкалық драма театрында Мұхтар Әуезовтің 125 жылдығына арналған Мұхтар Әуезов атындағы Қазақ ұлттық драма театрының Семей қаласындағы гастрольдік сапарының баспасөз конференциясы өтті.

Конференцияға М.Әуезов атындағы қазақ ұлттық драма театрының директоры, Қазақстанның еңбек сіңірген қайраткері Еркін Жуасбек, театрымыздың актері, Қазақстанның еңбек сіңірген қайраткері Бекжан Тұрыс, театрымыздың актрисасы, Қазақстанның еңбек сіңірген қайраткері Шынар Жанысбекова және семейлік жұртшылыққа ұсынылған “Абайдың жұмбағы” спектаклін сахналаған театрымыздың жас режиссері Әридаш Оспанбаева қатысты.

Пресс-конференциядан соң, семейлік көрермендер театрымыздың мұражай қоры ұйымдастырған Мұхтар Әуезовтің 125 жылдығына арналған “Мұхтар Әуезов және ұлттық театр” атты көрмені тамашалады.

Сағат 17:00-де М.Әуезов атындағы Қазақ ұлттық драма театрының «Абайдың жұмбағы» спектаклі семейлік көрермен назарына ұсынылды.

Спектакльден ұмытылмас әсерге бөленіп шыққан көрермендер ұлттық театр ұжымына ерекше ықыласын білдірді. Қала әкімінің орынбасары Айдар Садырбаев ұлы жазушының есімін алған қазақтың бас театрына - жазушының жерлестері алдында өнер көрсеткен үлкен ұжымға алғысы мен жылы лебізін білдірді.

Сондай-ақ, “Абайдың жұмбағы” спектаклінің авторы әрі Абай ролін сомдаушы - театрымыздың актері, Қазақстанның еңбек сіңірген қайраткері, "Құрмет" Орденінің иегері Болат Әбділмановты Семей қаласына сіңірген еңбегі үшін төсбелгісімен марапаттады.

Естеріңізге сала кетейік, М.Әуезов атындағы Қазақ ұлттық драма театрының Семей қаласындағы өнер сапарының алдағы бағдарламасы төмендегідей:

🔹 11 мамыр
“Тендерге түскен келіншек”

🔹 12 мамыр
“Сыған серенадасы”

Ендеше, театрда жүздескенше!


Өзге жаңалықтар

22 қыркүйек
Хабарландыру
UMAI СЫЙЛЫҒЫ!
Мәдениет және спорт министірлігі мәдениет қайраткерлерінің шығармашылық жетістіктерін қолдауға бағытталған UMAI сыйлығын тағайындады.
15 қыркүйек
Хабарландыру
«ҚАРАГӨЗДІ» ӘУЕЗОВ ЖАЗҒАН ҚАЛПЫНДА КӨРЕРМЕНГЕ ЖЕТКІЗСЕК ДЕЙМІЗ
Еркін ЖУАСБЕК, Мұхтар Әуезов атындағы Қазақ ұлттық драма театрының директоры, Қазақстанның еңбек сіңірген қайраткері:
13 қыркүйек
Хабарландыру
Ұлттық театр мәртебесі үлкен жауапкершілік жүктейді – Еркін Жуасбек
Биыл – қазақ әдебиетінің асқар тауы, Әуезовтің 125 жылдық мерейтойлы жылы. Осы ретте әлемдік әдебиетте өзіндік орны бар тұлғаның есімін иеленген, ғасырға жуық тарихы бар қазақ өнерінің қара шаңырағы М.Әуезов атындағы Ұлттық драма театрының директоры, белгілі театр қайраткері Еркін Жуасбекпен сұхбат мерейтойға дайындық және сахна өнері төңірегіндегі кейбір мәселелер жайында болмақ.