Алматы қаласы, Абай даңғылы 103
М. Әуезов атындағы Қазақ ұлттық драма театрында өтіп жатқан «Премьералар апталығы» аясында М.Әуезов атындағы Қазақ ұлттық драма театры мен Мемлекеттік театрлар мен театр ұйымдарының театр-гастрольдік қызметінің республикалық орталығының ұйымдастыруымен «Қазақ сахна өнерінің өзекті мәселелері» атты дөңгелек үстел өтті.
Аталған шараға Қазақстан театр қайраткерлері одағының төрағасы Т.Жаманқұлов, Қазақстан театрлар Ассоциациясың президенті А.Ашимов және еліміздің театр басшылары қатысты.
Жиында театр қызметкерлерінің жалақысы, тұрақты һәм сапалы спектакльдер қою, жеке меншік театрларды дамыту және қарым-қатынас орнату, актерлердің тәжірибе алмасу мақсатында өзге театрларға шығып тұруы сияқты мәселелер талқыланып, шешімін табуға ұсыныстар жасалды.
