«Аңыз Асанәлі» атты кеш өтті!

Бүгін театрымыздың көркемдік жетекшісі, Қазақстанның Еңбек Ері, КСРО және Қазақстанның Халық артисі, мемлекеттік сыйлықтардың лауреаты Асанәлі Әшімовтің 85 жылдығына орай Абай атындағы ұлттық опера және балет театрында «Аңыз Асанәлі» атты кеш өтті.

Салтанатты кешке Парламент сенатының спикері Мәулен Әшімбаев, Мәдениет және спорт министрі Дәурен Абаев, Алматы қаласының әкімі Ерболат Досаев және абыз актермен үзеңгілес зиялы қауым, еліміздің мәдениет пен әдебиетінің көрнекті өкілдері бой көрсетті.

Сондай-ақ, Алматы қаласы әкімдігінің қолдауымен алғаш рет Қазақстанның кино және театр өнері саласында талмай еңбек етіп жүрген майталмандардың кәсіби деңгейін шыңдау, өнерге қосқан еңбегін бағалап, халық арасында насихаттау мақсатында «Асанәлі» жүлдесі табысталды.

Қазақ өнерінің ірі өкілдері өнер көрсетіп, ақ тілектерін жаудырған аңыз актердің 85 жас мерейтойы жоғары деңгейде өтті.


Өзге жаңалықтар

27 июня
Хабарландыру
Сахнада — «Менің Мұстафам»
Былтыр қазақ драматургтерін қолдап, театр репертуарын жаңа тақыптардағы тың туындылармен толықтыру мақсатында М.Әуезов атындағы Ұлттық драма театры ұйымдастырған «Монодрама» байқауында «Үздік тарихи монодрама» номинациясында белгілі ақын Қасымхан Бегмановтың «Менің Мұстафам», «Заманауи монодрама» бойынша Ақмоншақ Ахметтің «Бейтаныс таныстар», Серік Нұғыманның «Жан алқым», «Инсценировкалық монодрама» аталымында Дидар Амантайдың «Біреудің өмірі» атты туындысы жеңімпаз атанған еді.
24 июня
Хабарландыру
Министрмен кездесу!
Бүгін Мәдениет және спорт министрі Дәурен Әскербекұлы Абаев М.Әуезов атындағы Қазақ ұлттық драма театрының қызметкерлерімен кездесіп, Ұлттық театрда күрделі жөндеу жұмыстарын жүргізу жайында мәжіліс өткізді.
23 июня
Хабарландыру
ТЕАТР МАУСЫМЫ ЖАБЫЛДЫ
М.Әуезов атындағы Қазақ ұлттық драма театрында драматург Бернард Шоудың «Пигмалион» пьесасының желісімен «Сүйікті менің періштем» және ҚР еңбек сіңірген қайраткері Қасымхан Бегмановтың Мұстафа Шоқайдың жары Марияның күнделігі негізінде жазыл­ған «Менің Мұстафам!..» драма-диалогы сахналанды.