Еркін ЖУАСБЕК, М. Әуезов атындағы Қазақ ұлттық драма театрының директоры: Серпіліс пен тың бастама

Бүгін ел тарихындағы саяси оқиға  референдумға №208 сайлау учаскесіне барып өз даусымды бердім.  Бұл күні еліміздің барлық сайлау учаскелерінде бір серпіліс пен тың бастаманың лебі байқалып тұрды.

Сайлауға келген әрбір азамат өзінің азаматтық міндетін мойындап, өз елінің өсіп – өркендеуі мен дамуына өз үлесін қосамын деген ниетте болғаны ақиқат.

Өзімізге естелік болсын деп, суретке түстік. Өйткені 1995 жылдан кейінгі жалпыхалықтық маңызды референдум өтіп отыр. Дауыс беріп,  саяси науқанға үлесімді қосу азаматтық борышым деп білемін.

Референдумда дауыс беру жұмысы бұл учаскеде жоғары деңгейде ұйымдастырылып жатыр деп толық сеніммен айтуға болады.

Осы жасалған қадам халқымыз үшін құтты һәм қайырлы болғай!


Өзге жаңалықтар

27 қараша
Хабарландыру
ҚҰТТЫҚТАЙМЫЗ!
2022 жылдың 23-27 қараша аралығында Атырау қаласында өткен Р. Отарбаевтың IV Республикалық театр фестиваліне М. Әуезов атындағы Қазақ ұлттық драма театры «Қытайдан жеткен сәлемдеме»  спектаклімен қатысып,  Бас жүлдеге ие болды.  Театрымыздың актері Мұхтар Қапалбаев «Өмірбай» рөлі үшін — «Үздік ер адам бейнесі», театрымыздың актрисасы Арай Өмірова «Әсемай» рөлі үшін — «Үздік әйел адам бейнесі»  номинацияларын жеңіп алды.  М. Әуезов атындағы Ұлттық театр ұжымы атынан «Қытайдан жеткен сәлемдеме» спектаклінде ойнаған барша актерлер құрамын құттықтай отырып,  Мәдениет және өнер саласындағы қызметтеріңізге жеміс тілейміз! Сахналық нұсқасын жасаған — Ж. Мұратбек Режиссері — А. Қабдешова
18 қараша
Хабарландыру
Сын мен пікірді шатастырмайық!
Әдетте біз қойылым кезінде актерлердің шеберлігіне ерекше мән береміз де, сахнаның ар жағындағы мамандардың еңбегі ескерусіз қалады. Ал шындығында, спектакльдің сәтті шығуы қоюшы-суретшіге де байланысты. Сценограф қойылымның басынан аяғына дейін режиссердің халыққа жеткізгісі келген ойын дәл тауып, көрерменге жеткізе білуі керек.
11 қараша
Хабарландыру
Театрдың дамуы үшін кәсіби сын керек
Жуырда Алматыдағы М.Әуезов атындағы Қазақ ұлттық драма театрында Орталық Азия елдерінің VIII Халықаралық театр фестивалі болып өтті. Айтулы шараға елімізден бөлек, Татарстан, Өзбекстан, Қырғызстан, Әзірбайжан және Тәжікстаннан келген театр ұжымдары қатысты. Фестиваль барысында өткір пікір айтып, сыни ойларымен ерекше көзге түскен әділқазылар болды. Солардың бірі – ресейлік кәсіби театр сыншысы, өнертану ғылымының кандидаты, профессор, «Петербург театр журналының» бас редакторы Марина Дмитревская. Біз танымал театр сыншысына жолығып, лебіздесіп қалуға асықтық.