Алматы қаласы, Абай даңғылы 103
Бүгін Қазақстанның халық артисі, Мемлекеттік сыйлықтың лауреаты Райымбек Ноғайбайұлы Сейтметовтің 1975-2007 жылдар аралығында тұрған үйінде қойылған ескерткіш тақтаның ашылу рәсімі өтті. Аталмыш шараға КСРО Халық артисі, театрымыздың көркемдік жетекшісі Асанәлі Әшімов, театр директоры Еркін Жуасбек, Қазақстанның халық артисі Тұңғышбай әл-Тарази, актердің балалары және театрымыздың актерлері Азат Сейтметов пен Данагүл Темірсұлтанова, жазушы-драматург Дулат Исабеков пен театрымыздың үлкен буын актерлері естеліктерімен бөлісіп, сөз сөйледі.