Алматы қаласы, Абай даңғылы 103
Бүгін Мәдениет және спорт министрі Дәурен Әскербекұлы Абаев М.Әуезов атындағы Қазақ ұлттық драма театрының қызметкерлерімен кездесіп, Ұлттық театрда күрделі жөндеу жұмыстарын жүргізу жайында мәжіліс өткізді. Сонымен қатар, министр Дәурен Абаев пен вице-министр Нұрғиса Дәуешов театрымыздың Кіші залында «Ұлттық» статус алған мекеме ұжымдарымен жүздесті. Жиын барысында Министрлік жетекшілік ететін салалардың өзекті мәселелері және оларды шешудің тиімді жолдары қарастырылып, халыққа қызмет көрсету турасында «Ұлттық» мәртебеге ие болған өнер ордаларына қатысты нақты мақсаттар қойылды.
