Алматы қаласы, Абай даңғылы 103
Бүгін М. Әуезов атындағы Қазақ ұлттық драма театрында «Премьералар апталығы» аясында “Театр және әдебиет” атты жаңа драматургия мен жаңа прозалар тақырыбын қамтыған лекция өтті.
Лекцияны белгілі театртанушы, өнертану кандидаты Амангелді Мұқан жүргізді. Сонымен қатар, театр директоры, Қазақстанның еңбек сіңірген қайраткері Еркін Жуасбек, директор орынбасары, Қазақстанның еңбек сіңірген қайраткері Жалғас Толғанбай, әдебиеттанушы, сыншы, Қазақстанның еңбек сіңірген қайраткері Әлия Бөпежанова, драматург Қолғанат Мұраттың қатысуымен лекция аясында қазіргі драматургия мәселесіне қызу талқылау жасалды.
Жас драматургтер, театртанушылар, әдебиетшілер мен қаламгерлер қатысқан отырыста бүгінгі театр мен драматургияның, заманауи әдебиеттің даму үрдістері жайында сөз қозғалып, тұшымды ойлар айтылды.