Алматы қаласы, Абай даңғылы 103
2022 жылдың 1-7 қараша аралығында жазушы-драматург Мұхтар Әуезовтің 125 жылдығына арналған Орталық Азия, түркітілдес мемлекеттер мен Қазақстанның кәсіби театр ұжымдары қатысатын VIII Орталық Азия елдерінің халықаралық театр фестивалі өтетіндігін хабарлаймыз.
Фестивальдің кұрылтайшысы - Қазақстан Республикасының Мәдениет және спорт министрлігінің Мәдениет Комитеті. Ұйымдастырушысы - Мұхтар Әуезов атындағы Қазақ ұлттық драма театры.
Фестивальдің мақсаты мен міндеттері:
* Орталық Азия елдері мен түркітілдес мемлекеттердің театр өнері саласындағы ынтымақтастығы мен достық байланыстарын нығайту;
* Бірлескен шығармашылық жобаларды іске асыруда әріптестік қатынастарды қалыптастыру және талантты шығармашыл жастарды қолдау;
* Көрермендердің назарын заманауи театр өнерінің үздік жетістіктеріне аудару және т.б.