Алматы қаласы, Абай даңғылы 103
13-17 қазан аралығында өткен ҚР Мемлекеттік және платиналы «Тарлан» сыйлықтарының лауреаты, жазушы-драматург Дулат Исабековтің 80 жасқа толған мерейтойына арналған II халықаралық «ИСАБЕКОВ ӘЛЕМІ» театр фестиваліне М.Әуезов атындағы Қазақ ұлттық драма театры «Жүзжылдық махаббат» спектаклімен қатысып, олжалы аяқтады.
Театрымыздың актрисасы, Қазақстанның еңбек сіңірген қайраткері Дәрия Жүсіп Зылиха ролі үшін - «ҮЗДІК АКТРИСА», театрымыздың актері, «Серпер» сыйлығының лауреаты Алмас Шаяхметов Мағжан ролі үшін - «ҮЗДІК АКТЕР» номинацияларын жеңіп алды. М.Әуезов атындағы Қазақ ұлттық драма театры ұжымы атынан театрымыздың қос артисін құттықтай отырып, мәдениет пен өнер саласындағы қызметіне жеміс тілейміз! Қашанда абыройларыңыз артып, ұлттық театр мәртебесін асқақтата беріңіздер, құрметті әріптестер!