Жаңалықтар

29 желтоқсан
Хабарландыру
Жақсының көзі
Бір дәуірдің биігінен бой көрсетіп, өнер дейтін өрелі жолда табанды еңбек ету деген сөз, екінің бірінің қолынан келе бермейтін келелі қасиет дегенді білдіреді. Мұхтар Әуезов атындағы Қазақ ұлттық драма театрының айтулы актрисасы – Ғайникамал Мұқанқызы Байқошқарованың өмірі мен шығармашылық жолы біз тілге тиек еткелі отырған тегеурінді әңгімеміздің әу бастағы әліппесі ғана. 1943 жылы сегізінші ақпанда бұрынғы Шығыс Қазақстан облысы (қазіргі Абай облысы) Семей қаласы, Мақаншы ауылында дүниеге келген Ғайникамал, әжесі – Меңкебану Өлмесекқызының тәрбиесінде өседі. Кішкенесінен өмірге бейім, өнерге өжет, өрмінез қыз боп қалыптасып, қаймағы бұзылмаған қазақы ауылдың мақтанышына айналады. Ғайникамалдың әжесі – Меңкебану Өлмесекқызы шешен, он саусағынан өнер тамған өрелі өнер иесі болған, ол ауылдағы кыз-келіншектердің көпшілігі Меңкебану әжейдің маңайынан үйіріліп шықпаушы еді дейді көз көргендер.
26 желтоқсан
Хабарландыру
ЖАҚЫНДА ПРЕМЬЕРА!
Құрметті, театр сүйер қауым! Сіздерді “ЖАН ӘКЕ” (Қазағым, қайда барасың?) драмасын тамашалауға шақырамыз! 6,8,17 қаңтар
23 желтоқсан
Хабарландыру
Қаранар мен Мавр параллелі
Қазақта «Қатепті қара нар» деген сөз тіркесі бар… Маған ұнайтын теңеу… Ауыр жүк көтерсе де мыңқ етпейтін жануарға, атан түйеге қарата айтылатын сөз. Нарға салынатын ерді ауыт, ал өркештің екі жағына байланған ағашты қатеп дейді екен. «Қатепті қара нар керек, біздің бүйткен бұл іске» деп жырлайды, қайрайды… жоқ, зарлайды Махамбет. Яғни тау қопарардай толағай іске қажетті көнбіс қажыр, таусылмас шыдам жайында айтылған. Ойға қалдырады. Нешеме зобалаңды басынан өткерген, бәріне көнген, сонда да шыдам-қажыры мен қайғысы таусылмаған, ықылым замандардан, нәкүмән нәубеттерден аман өткен қазақтың өзіне, тауқыметі еш кемімеген тағдыр-талайына арналғандай тіркес…
20 желтоқсан
Хабарландыру
ҚҰТТЫҚТАЙМЫЗ!
Қазақстан “Театр сыншылары бірлестігінің” шешімі бойынша Мұхтар Әуезов атындағы Қазақ ұлттық драма театрының жүлдегерлерімен таныс болыңыздар
13 желтоқсан
Хабарландыру
"ҚАРА ШАҢЫРАҚ - 2022" театр фестивалінің жеңімпаздары
КСРО және Қазақстанның Халық артисі, КСРО Мемлекеттік сыйлығының лауреаты, Халық қаһарманы Әзірбайжан Мәдиұлы Мәмбетовтің 90 жылдығына арналған «ҚАРА ШАҢЫРАҚ - 2022» жаңа қойылымдар театр фестивалінінің атаулы жүлде иегерлерімен таныс болыңыздар
9 желтоқсан
Хабарландыру
Әуезов театрының әлеуеті
М.Әуезов атындағы Қазақ ұлттық драма театрында «Қара шаңырақ – 2022» театр фестивалі басталды. КСРО және Қазақстанның Халық әртісі, КСРО Мемлекеттік сыйлығының лауреаты Әзірбайжан Мәмбетовтің 90 жылдығына арналған фестивальдің мақсаты – жаңа қойылымдардың шығармашылық сапасын анықтап, оның ішінде актерлердің жұмысын бағалау, шығармашылық құрамға серпін беріп, көрермен мен театр арасындағы байланысты нығайту.
7 желтоқсан
Хабарландыру
Театрдың бағы да, соры да режиссер – Есмұхан Обаев
Театрдың тамырына ыстық қан тарататын, өн бойына тіршілік отын тұтататын – режиссер. Ал қазіргі қазақ режиссурасының көш басында тұрған тұлға Есмұхан Обаев десек, қателеспейміз. Себебі ол қазақ театрының негізін қалаған жақсы мен жайсаңның көзін көрді. Қазақ театр саңлақтарымен бір сахнада қатар жүрді. Сондықтан да жасампаз шығармашылық иесі, театр қайраткері, профессордың есіл-дерті, әңгімесінің арқауы – тек театр. Еңбек әділ бағалануы керек
6 желтоқсан
Хабарландыру
27 қараша
Хабарландыру
ҚҰТТЫҚТАЙМЫЗ!
2022 жылдың 23-27 қараша аралығында Атырау қаласында өткен Р. Отарбаевтың IV Республикалық театр фестиваліне М. Әуезов атындағы Қазақ ұлттық драма театры «Қытайдан жеткен сәлемдеме»  спектаклімен қатысып,  Бас жүлдеге ие болды.  Театрымыздың актері Мұхтар Қапалбаев «Өмірбай» рөлі үшін — «Үздік ер адам бейнесі», театрымыздың актрисасы Арай Өмірова «Әсемай» рөлі үшін — «Үздік әйел адам бейнесі»  номинацияларын жеңіп алды.  М. Әуезов атындағы Ұлттық театр ұжымы атынан «Қытайдан жеткен сәлемдеме» спектаклінде ойнаған барша актерлер құрамын құттықтай отырып,  Мәдениет және өнер саласындағы қызметтеріңізге жеміс тілейміз! Сахналық нұсқасын жасаған — Ж. Мұратбек Режиссері — А. Қабдешова