Алматы қаласы, Абай даңғылы 103
Шығармашылық қызмет басшысы
Phd - докторы (2019 ж.), ҚР Тұңғыш Президенті – Елбасы Қоры сыйлығының лауреаты (2015 ж.), "Түркі дүниесінің театр өнеріне қосқан үлесі үшін" төсбелгісі (2024).
1987 жылы Солтүстік Қазақстан облысы, Ғ. Мүсірепов ауданында дүниеге келген.
2007 - 2011 жж. Т. Жүргенов атындағы Өнер академиясын «режиссура» мамандығы бойынша оқып бітірді.
2013 - 2014 жж. Т. Жүргенов атындағы Қазақ ұлттық Өнер академиясында «Жоғарғы курс, режиссура» мамандығы бойынша магистратураны бітіріп, 2015 - 2018 жж. «Өнертану» мамандығы бойынша докторантурада білім алып шықты.
2012 жылы М.Әуезов атындағы Қазақ мемлекеттік академиялық драма театрының шығармашылық құрамына қабылданды.
Режиссерлік қойылымдары:
Қазақстанның еңбек сіңірген қайраткері, режиссер Есмұхан Обаевпен бірлесіп Т. Әбдіковтің «Ұлы мен ұры» (2012 ж.),
Қазақстанның еңбек сіңірген қайраткері, жазушы Жабал Ерғалиевтің «Жетім тағдыр» шығармасының желісі бойынша «Қас қағым..» (2013 ж.),
У.Шекспирдің "Король Лир" (2016 ж.),
Ғ.Мүсірепов «Қыз Жібек» драма (2017 ж.).
"Пері қатын" драма (2021 ж.)
М. Әуезов "Қаргөз" трагедия (2022 ж.)
Өзге театрларда:
2011 ж. С. Сейфуллин атындағы Қарағанды облыстық Қазақ драма театрында Иран-Ғайыптың «Бөшке»,
2012 ж. Тараз облыстық Қазақ драма театрында Жан Коктоның «Адам дауысы»,
2014 ж. Оңтүстік Қазақстан облыстық тілдерді дамыту басқармасына қарасты опера және балет театрында С. Ахметова мен Р.Шынықұловтың «Махаббат Мұнарасы» мюзиклін,
2015 ж. Беларусь мемлекетінің Минск қаласында өткен ІІ жас театр қайраткерлерінің форумының аясында, Беларусь драма театры актрисаларымен Д.Богословсийдің «Блонди» пьесасын сахналады.
Жетістіктері:
Тараз қаласында өткен «Тараз – дебют» жас режиссерлер байқауында француз драматургі Жан Коктоның «Адам дауысы» шығармасы үшін «Гран - при» иегері (2012 ж);
"Қас қағым" трагедиясы Қырғызстанда өткен V Халықаралық "ARD ORDO" театрлар фестивалінен «Гран - при» иегері (2015 ж);
Қазақ хандығының 550 жылдығына орай ұйымдастырылған «Мәңгілік ел» театрландырылған қойылымының жоғары деңгейде өтуіне белсене қатысқаны үшін медальмен және Мәдениет және спорт министрі А. Мұхамедиұлының алғыс хатымен марапатталды (2015 ж);
Тәжікстан Республикасының Душанбе қаласында өткен «Нигохи нав» Халықаралық театр фестивалінде У. Шекспирдің «Лир патша» трагедиясы «Гран-При» жеңіп алды (2016 ж.)