Дайыров Еркебұлан Мұратұлы

Қазақстан Жастар Одағы «Серпер» жастар сыйлығының иегері (2013ж.), Қазақстанның еңбек сіңірген қайраткері (2018ж.), "Қазақстан Республикасының Тәуелсіздігіне 25 жыл" мерекелік медалінің иегері (2016ж.).

1986 жылы Алматы облысы, Райымбек ауданы, Қарасаз ауылында дүниеге келген.

2004-2008жж. Қазақ Ұлттық Т.Жүргенов атындағы Өнер академиясын «Музыкалық драма актері» мамандығы бойынша оқып бітірді.

2006 жылы М.Әуезов атындағы Қазақ мемлекеттік академиялық драма театрының актерлік құрамына қабылданды.

Театрдағы рөлдері:

М.Әуезов «Абай» (реж. Е. Обаев) – Айдар,

М. Әуезов «Еңлік – Кебек» (реж. Х. Әмір-Темір) – Кебек,

М. Әуезов «Қилы заман» (сахналық нұсқасы: Н. Оразалин, реж. Ә. Рахимов) – Айтбай,

Т.Мәмесейіт «Бәкей қыз» (реж. Ә.Рахимов) – Жылқышы,

С.Мұқанов «Мөлдір махаббат» (реж. Ә. Рахимов) – Бүркіт,

Ғ.Мүсірепов «Махаббат дастан» (реж. Қ. Сүгірбеков) – Жантық,

Т. Нұрмағанбетов «Бес бойдаққа бір той» (реж. Ә.Рахимов) – Нарбол,

Д. Исабеков «Актриса» (реж. Н. Жұманиязов) – Ерлен,

Д. Исабеков «Мұрагерлер» (реж. О. Кенебаев) – Төрехан,

Д. Исабеков «Жаужүрек» («Балуан Шолақ», реж. Е. Обаев) – Балуан Шолақ,

И. Сапарбай «Қыз мұңы» (реж. Е. Обаев, Т. Аралбай) – Ғазиз,

Иран-Ғайып «Мен ішпеген у бар ма?..» (реж. О. Кенебаев) – Абай,

Н. Оразалин «Шырақ жанған түн» (реж. Н. Жақыпбай) – Сағын,

Р.Отарбаев «Бейбарыс сұлтан» (реж. Ю.Ханинга-Бекназар) – Қалауын,

Қ. Мұрат «Бақыт кілті» драмасында (реж. Е.Обаев) – Бауыржан,

У. Шекспир «Ромео мен Джульетта» (реж. О. Салимов) – Меркуцио,

Н. Гоголь «Үйлену» (аударған: О. Қыйқымов, реж. В.И. Захаров) – Подколесин,

А. Володин "Қоштасқым келмейді..." (аударған және реж. А. Маемиров) - Козлов,

Ғ. Мүсірепов «Қыз Жібек» (реж. Е. Нұрсұлтан) – Бекежан,

М. Әуезов "Қарагөз" (реж. Е. Нұрсұлтан) - Сырым

Кинодағы рөлдері:

«Теміртау көктемі», «Парыз», «Тағдыр», «Бауыржан Момышұлы», «Балуан Шолақ», «Тобол», «Әміре», «Елбасы жолы», «Тараз», «Анаға апарар жол», «Шлагбаум», «Жұлдыздар тоғысқанда», «Алтын Орда», «Қызыл Жебе», «Қарлығаш ұя салғанда», «Белгі», «Томирис», «Абай жолы», «Жаным, ты не поверишь» және т.б. фильмдер мен телехикаяларда негізгі рөлдерді сомдады.