Әспетова Гүлжан Жарылқасынқызы

Қазақстанның халық артисі (1993), «Құрмет» орденінің иегері (1981ж.), «Еңбек ардагері» медалінің иегері (2015ж.), доцент (1997ж.), профессор (2003ж.), «Ы.Алтынсарин» төсбелгісінің иегері (2006ж.), «10 жыл Астана» мерекелік медалінің иегері (2008ж.), «Қазақстан Республикасының Тәуелсіздігіне 20 жыл» мерекелік медалінің иегері (2011ж.)  

1946 жылы Жамбыл облысы, Меркі ауданында дүниеге келген. 

1963-1967 жж. Құрманғазы атындағы Алматы Мемлекеттік консерваториясының Театр бөлімінде актер мамандығы бойынша оқыды. 

1967 жылы М.Әуезов атындағы Қазақ мемлекеттік академиялық драма театрының актерлік құрамына қабылданды. 

1999 жылдан Қ.Қуанышбаев атындағы қазақ мемлекеттік академиялық музыкалық драма театрының актрисасы. 

2018 жылы М.Әуезов атындағы Қазақ мемлекеттік академиялық драма театрының актерлік құрамына қайта қабылданды. 

Сахнадағы негізгі рөлдері: 

М.Әуезов атындағы Қазақ мемлекеттік академиялық драма театрының сахнасында: 

Д.Исабеков «Кішкентай ауыл» (реж. С.Асылханұлы) - Ардақ, 

Д.Исабеков «Ескі үйдегі екі кездесу» (реж. Ә.Рахимов) – Зейнеп, 

Қ.Шаңғытбаев, Қ.Байсейтов «Ой, жігіттер-ай», «Беу, қыздар-ай!» (реж. Ә.Мәмбетов) – Кнүсұлу, Фриш «Донжуанның думаны» (реж. Ә.Мәмбетов)– Донна Анна, 

М.Әуезов «Қарагөз» (реж. Ә.Мәмбетов ) – Қарагөз, 

М.Әуезов «Еңлік-Кебек» (реж. Ж.Хаджиев) - Еңлік, 

М.Әуезов «Қара қыпшақ Қобыланды» (реж. Ж.Хаджиев ) - Құртқа, 

Мұхамеджанов «Бөлтірік бөрік астында» (реж. Ә.Мәмбетов) - Жәмила, 

Қ.Мұқашев «Дала балладасы» (реж. Қ.Жетпісбаев) - Мақпал, 

О.Бөкеев «Құлыным менің» (реж. Қ. Жетпісбаев) - Анар, 

Т.Ахтанов «Ант» (реж. Ә.Мәмбетов) - Бәтимә ханым, 

Н.Хикмет «Фархад-Шырын» (реж. Н.Жуманиязов) – Мехмене-бану, 

Л.Дюрко «Электра» (реж. Р.Сейтметов) - Электра, 

Софокл «Эдип патша» (реж. Ә.Мәмбетов) - Иокаста, 

Ш.Айтматов «Ғасырдан да ұзақ күн» (реж. Д.Жұмабаева) - Найман-Ана, т.б. 

Қ.Қуанышбаев атындағы қазақ мемлекеттік академиялық музыкалық драма театрының сахнасында: 

Ш. Айтматов «Ана – Жер ана» (реж. Ә. Оразбеков) – Толғанай, 

Ш. Айтматов «Ғасырдан да ұзақ күн» (реж. Ә. Мәмбетов) – Найман ана, 

Ә. Сарай «Балуан Шолақ» (реж. Н. Жұманиязов) – Балуаның анасы, 

Ф. Буляков «Күйеуге шыққан кемпірлер» (реж. Б. Ұзақов) – Фатима, 

В. Дельмар «Баянсыз бақ» (реж. Н. Жұманиязов) – Люси Купер, 

Дж. Патрик «Қымбатты Памела» (реж. Ю. Ханинга-Бекназар) – Памела, 

Т. Джюдженоглу «Көшкін» (реж. Ә. Оразбеков) – Бәйбіше 

Ұ. Есдәулет «Зере» (реж. Н. Жақыпбай) – Зере,

Ә. Нұрпейісов "Қан мен Тер. Ақбала" (реж. А. Оспанбаева) - Кемпір.

Кинодағы рөлдері: 

«Несібелі», «Тоғызыншы ұлдан қорық», «Жау», «Киттер кеткенде» (Мосфильм), «Ақ бақсы» (Мосфильм), «Еңлік – Кебек» телефильмдерінде басты рөлдерді сомдады.