«TEATR ÂLEMІNDEGІ RUHANI ŽAÑĞIRU» KÖRMESІ

Biıl zamanınıñ zañğar žazušısı Mûhtar Âuezovtіñ tuğanına 120 žıl ekenіn žaqsı bіlemіz. Osığan oray, 11 qazan kunі M. Omarhanûlınıñ esіmіmen atalatın qazaq önerіnіñ qara šañırağında teatr mausımınıñ ašılu saltanatımen bіrge almatılıq 8 teatr ûžımınıñ basın qosqan «Teatr âlemіndegі ruhani žañğıru» attı körme öttі.

Taqırıbınıñ özі körmenіñ Elbası N.Nazarbaevtıñ «Bolašaqqa bağdar: ruhani žañğıru» bağdarlamasına tіkeley qatıstı ekenіn bіldіrіp tûrğanday. Belgіlі teatr žâne kino akterі, QR Eñbek sіñіrgen qayratkerі Erlan Bіlâl basqarıp otırğan, 92-mausımına qadam basqan, sahnasınıñ özі sır šertetіn іrgelі öner ordasınıñ tağı bіr erekšelіgі — teatr muzeyі. 2018 žılı qûrılğanına 50 žıl tolatın bûl muzeydі širek ğasırdan berі bіlіktі maman Nargiz Tamabekqızı basqarıp kelse, teatrdağı kun sayınğı žañalıqtardı qalt žіbermey, ârbіr žâdіgerіne ûqıptılıqpen qarap, qara šañıraqtıñ «šežіrešіsіne» aynalıp ketken onıñ eñbegі ûšan-teñіz. Öytkenі bugіngіden, bıltırğıdan bölek, teatr qûrılğannan bergі öner ûžımınıñ tarihın ol sekіldі tugendep žurgen eškіm žoq. Osını eskere otırıp, širek ğasırdan berі teatr muzeyіne žetekšіlіk etіp kele žatqan N.Tamabekqızımen az-mûz sûhbattasudı žön kördіk.


N.TAMABEKOVA: BÛL KÖRME KELEŠEK TEATRLAR MUZEYІNІÑ ALĞAŠQI BASPALDAĞI ІSPETTІ

— Nargiz Tamabekqızı, bіluіmіzše, mûnday körme alğaš ret ötіp otır. Osını ûyımdastıru bûrınnan oyıñızda žur me edі?

— Ârine, dâl osınday körmenі ötkіzsem degen arman âuelden kökeyіmde žurgen edі. Tek almatılıq teatrlardı ğana emes, respublikadağı teatr ûžımdarınıñ basın bіr arnağa toğıstırıp, auqımı keñ körme ûyımdastıru da oyda bar. Dese de, mausımnıñ ašılu saltanatımen qatar bastalğan körme men oylağannan žoğarı deñgeyde ötpese, odan kem emes. «Toydıñ bolğanınan boladısı qızıq» demeušі me edі, basšımız Erlan Âbdіldaûlımen mausım-šіlde aylarınan bastap žosparlap, QR Mâdeniet žâne sport ministrіnіñ özі aqıl qosıp, eñ aldımen muzeydіñ albomın žasadıq. Osı körmenіñ ûyımdastırıluına teatr qızmetkerlerіnіñ bіr kіsіdey atsalısqanı menі šın quanttı. Mâselen, «Baspasöz qızmetіnіñ» žetekšіsі, aqın Baqıt Bedelhan körmenіñ žâne bölіmderdіñ taqırıbın qoyıp, redaktorlıq kömegіn tigіzіp, žûmısımızdıñ іlgerіleuіne öz ulesіn qostı.

— Bârekeldі! Aqın qoyıp bergen körme taqırıbı töñіregіnde sûrağım kelіp otır. Teatr âlemіndegі ruhani žañğırudıñ negіzgі körіnіsі dep nenі ayta alasız?

— «Ruhani žañğırudı» tarihımızdı tugendeu, ûlttıq sanamızdı qalıptastıru dep žatırmız ğoy. Al teatrdı, yağni teatr ûğımın ruhani žañğırudıñ qaynar közі dep aytsaq, eškіm qarsı dau ayta qoymas. Öytkenі qazіrgі žastarğa эstetikalıq târbie beretіn bіrden-bіr orın — teatr. Halqımızdıñ žâne âlem elderіnіñ de tarihı, mâdenietі teatrlarımızda körіnіs tapqan. Žalğız bіzdіñ teatrda ğana emes, elіmіzdegі barlıq öner ûžımdarında talay darındı ûldar, talanttı qızdar adal qızmet etken. Mіne, osılardıñ bârіn bіlu, teatr qoyılımdarın tamašalau žastarğa da, kundelіktі kuybeñ tіrlіkke baylanıp qalğan ulkenderge de tek žaqsılıq sıylaydı. Bіzdіñ mіndetіmіz dunieden ötken âygіlі tûlğalarımızdı žiі eske alıp, bugіngі barımızdı odan arı žetіldіru žâne osınıñ bârіn öskeleñ ûrpaqqa amanattau dep esepteymіn.

— Körmege qatısqan teatrlar žönіnde ne aytasız? Belsendіlіk tanıtqan teatrlardı atap kete alasız ba?

— Šını kerek, bіzdіñ teatrdıñ 50 žıldıq tarihı bar muzey sekіldі basqa öner ûžımdarında mûrağatın tugendep otırğan arnayı bölіm bar dep aytu qiın. Dese de, soñğı žıldarı Ğ.Musіrepov atındağı akademiyalıq balalar men žasöspіrіmder teatrınıñ muzey іsіne köñіl bölіp kele žatqanın bayqap žurmіn. Özderіnіñ šaqıruımen arnayı šeberlіk klastarın da ötkіzdіm. Al, osı körmege qayta kelsek, qatısušı 8 teatrdıñ barlığına da öz rizašılığımdı bіldіremіn. Qatısušı teatrlar: Abay atındağı qazaq memlekettіk opera žâne balet teatrı, Ğ.Musіrepov atındağı akademiyalıq balalar men žasöspіrіmder teatrı, Respublikalıq nemіs drama teatrı, Memlekettіk Respublikalıq korey muzıkalıq komediya teatrı, N.Sac atındağı balalar men žasöspіrіmderge arnalğan Memlekettіk akademiyalıq orıs drama teatrı, Q.Qožamyarov atındağı ûyğır muzıkalıq komediya teatrı, M.U.Lermontov atındağı orıs drama teatrı žâne bіzdіñ M.Âuezov atındağı Qazaq Memlekettіk akademiyalıq drama teatrı. Ešqaysısın bölіp- žarğım kelmeydі.

— Žaqsı eken, soñğı sûraq bolsın, körme qašanğa deyіn sozılmaq?

— Žoğarıda aytıp ötkenіmdey, körmege Almatı qalasındağı segіz teatr qatısıp žatır. Barlıq teatr özderіnіñ qûndı žâdіgerlerіn, atap aytqanda, sahnalıq kiіm, rekvizitter, öner maytalmandarınıñ žeke zattarı, teatrlardıñ žetіstіgіn dâleldeytіn žuldeler men gramotalar žâne t.b. bûyımdarın qoydı. Almatı tûrğındarı žâne qala qonaqtarına körmemіzdі qazan ayınıñ soñına deyіn tamašalauğa mumkіndіk bar.

— Âñgіmeñіzge raqmet! Šığarmašılıq tabıs tіleymіn!

Sûhbattasqan — Ermûrat Nazarûlı

QAZAQSTAN-ZAMAN gazetі