Aray Ömіrova: «Ağa buınnan önerge adaldıqtı uyrendіk»

Bugіngі žas akterler qatarın bіlemіz be? Ağa buınnıñ ornın almastırğan žastardıñ ekpіnі qalay? Teatrdıñ žas buının dûrıs bağalap žurmіz be? Osığan oray Mûhtar Âuezov atındağı akademiyalıq drama teatrınıñ žas aktrisası Aray Ömіrovanı âñgіmege tartqan edіk.

Žas qazaq: Aray, âñgіmemіzdі tuğan ölkeñіzden bastasaq. Qay žerdіñ tumasısız? Öner žolın kіškentay kezіñіzden armandadıñız ba?

Aray Ömіrova: Menіñ tuğan žerіm - Žambıl oblısındağı Bіrlesu eñbek  auılı. Men ekі žasta bolğanımda  ata-anam  Taraz qalasına  köšіp keldі. Žastayımnan önerge žaqın bolıp östіm. Ân aytıp, mekteptegі  bi uyіrmesіne qatısatınmın. Taraz qalasındağı «Žasöspіrіmder ortalığındağı» uyіrmelerge  barıp, bala kezіmnen turlі konkurstarda bağımdı sınadım.  Ârі qaray 11 sınıptı ayaqtap, aldımızğa kіm bolamın degen maqsattı qoyğan kezde öner žolın tañdağan edіm. Ata- anam da öner žolı qiın žol ekenіn eskerttі. Bіraq žuregіm önerdі qalap tûrğannan keyіn, ânšі bolamın dep šeštіm. Arman quıp Almatığa kelіp oquğa tapsırdım. Sol kezde SuperStar KZ žobasınıñ durіldep tûrğan kezі, ânšіlіkke tapsırğan talapkerler öte köp. Bіrіnšі tıñdalımda Laki Kesoglu tıñdap mağan žoldama berdі.  Al alğašqı sınaqtan ötuіme žoldama bergen Esmûhan Obaev ağamız boldı. Bіraq mekteptі žañadan bіtіrіp kelgenderden görі, muzıkalıq kolledž bіtіrіp kelgenderdіñ mumkіndіgі mol ekenіn eskerttі. Osı kezde anammen aqıldasıp muzıkalıq drama fakultetіn tañdadım. Vokaldan sabaq beretіn Meyramgul Köpbaeva deytіn ûstazım muzıkalıq dramağa tus, ol žerde žan-žaqtı bolasıñ dep aytatın.

Söytіp 2004 žılı T.Žurgenov atındağı Qazaq ûlttıq Öner akademiyasına «akter šeberlіgі» mamandığı boyınša belgіlі režisser Esmûhan Obaevtıñ sınıbına tustіm.  Oqudı bіtіrgen soñ Bolat Atabaevtıñ «Aqsaray» muzikl teatrında 2 žıl eñbek ettіm. «Aqsarayda» žurіp «Qız Žіbek» spektaklіnde Duriyanıñ, žas qalamger Šer-Âlidіñ «Я tvoya anti Slavasında» Slava rölіnde oynadım. Bіraq ol kezde teatrdı qaržılandıratın «BTA» Bank demeušіlіgіn toqtatqannan keyіn, ârі qaray žûmıs žasauğa mumkіndіk bolmadı. Qalay degenmen de ata-anaña eñbegіñnіñ žemіsіn körsetu - parız.  Ârbіr adamda mumkіnšіlіk boladı emes pe? «M.Âuezov atındağı akademiyalıq drama teatrğa barıp, öz bağımdı nege sınap körmeske?» dep teatrğa keldіm. Qazaqta «baq šaba ma, bap šaba ma?» degen atalı söz bar. Bağım žanıp, teatrğa qabıldandım.

Qarašañıraqqa  kele salısımen «Žaužurek»  spektaklіndegі bastı rolderdіñ bіrі Tatyananı berdі. Tâžіribem bolmağandıqtan bіraz žureksіngenіm bar. Sahnağa bіrden šığa saluğa qorqınıštıñ da bolğanı ras. Alayda ağa-âpkelerіmnіñ demeuіmen ol kezeñnen de öttіm.

Žas qazaq: Alğašqı somdağan rölіñіz esіñіzde me?

Aray Ömіrova: Teatrdağı eñ alğašqı rölіm sіzderge aytıp ötken Tatyana rölі. Odan keyіn «Žureyіk žurek auırtpay» spektaklіnde Nemerenіñ rölі. «Tenderge tusken kelіnšekte» Aynaguldіñ, «Ay men Ayšada» Totiyanıñ, «Qız mûñında» Ayguldіñ rölіnde oynadım. Osınday azdı-köptі rölderіm bar.

Žas qazaq: Teatrdan bölek qanday qosımša  bağdarlamalarğa qatısasız? Kinoğa tusu žağı qalay?

Aray Ömіrova: Tarazda žurgen kezіmnen bastap turlі koncerttіk bağdarlamalardı žurgіzetіnmіn. Sonımen qatar «Qazaqstan» arnasında ötken «Ûlı dala oyındarı» attı žobanıñ žurgіzušіsі boldım. «Žûldızdar otbası» žurnalı ûyımdastıratın «Eñ uzdіk mahabbat ânderі» koncertіn žurgіzdіm. Kinoda da ulken rölderge tuspesem de, kіšіgіrіm эpizodtarğa tusіp žurmіn.

Žas qazaq: Qazіrgі teatr körermenderіne köñіlіñіz tola ma? Âlde teatrğa žaña іzdenіs kerek dep oylaysız ba?

Aray Ömіrova: Qazіr qarap otırsaq, teatrğa žastar žağı köp keledі. Solarğa qarap teatrdıñ ruhani mañızın žoymağanınıñ kuâsіmіn. Kіšі buın bolsın, ulken buın bolsın teatrğa kelu žağı žaqsı. Soğan qarağanda bіzdіñ repertuarımız öz körermenіnіñ qızığušılığına ie dep oylaymın. Instagram želіsі bolsın, basqa da âleumettіk želі bolsın teatrdağı qoyılımdı talqığa salıp, pіkіrlerіmen bölіsіp otıratın körermender baršılıq.

Žas qazaq: Sіzdі komediyalıq tіptі dramalıq žanrdağı qoyılımdardan žiі köremіz. Alayda žanıñızğa žaqını qay žanr? Mına röldі somdasam ğoy dep armandap žurgen rölіñіz bar ma?

Aray Ömіrova: Menіñ žanıma žaqını drama dep aytar edіm. Lirika tragediya. Al qızığıp oynaytın žanr, ol - komediya. Tragediyanı da oynağannan keyіn bіraz qinalıp žuresіñ. Komediya da oñay emes. Eñ qiın žanr negіzі komediya. Sebebі körermendі kuldіru oñay emes. Armandap žurgen rölderіm ârine bar. «Qız Žіbek» qoyılımına dayındalıp žatırmız, mağan Duriyanı somdau bekіtіldі. Bіraq Žіbektі oynasam degen armanım  da bar.

Žas qazaq: Âyel adamğa öner žolın alıp žuru qiın ekenіn bіlemіz? Âsіrese otbasılı adamğa. Öner men otbasın qatar alıp žuru sіzge qiın emes pe?

Aray Ömіrova: Ârine qiındığı bar. Öner žolın tañdağannan keyіn keyde önerge basıñmen berіlgіñ keledі. Tіptі teatrdan šıqpay žûmıs žasağıñ keledі. Alayda ol mumkіn emes, sebebі uyde tosıp otırğan otbasıñ bar. Olardı oylaysıñ. Tolıqqandı berіlіp žûmıs іsteuge qiındau.

Žas qazaq: Aray, sіz ânšі boludı armandadıñız. Bolašaqta sіzdі ânšіlіk qırıñızdan köre alamız ba?

Aray Ömіrova: Teatrdağı ârіptesterіm ânge žaqın ekenіmdі bіledі. Ânšіlіk qırımnan tanılğım keledі. Bіraq ol ušіn eñbektenu kerek. Eñ bastısı ân kerek. Žaqsı ân, žaqsı kompozitor tabu kerek. Bolašaqta žosparda bar dunie. Keyde men oylaymın ânšіlіk qırım basımıraq bolar dep. Al akterlіk šeberlіkke keletіn bolsam, âlі de uyrenetіnіm köp.

Žas qazaq: Kіmderdі ulgі tûtasız?

Aray Ömіrova:  Barlığın ûstaz tûtamın. Öytkenі ârbіr akterdіñ özіndіk qır-sırı, erekšelіgі boladı. Olardan uyrenetіn, sabaq alatın tûstar žeterlіk. Al sonıñ  іšіnde mіnezі, qaysarlığı žağınan  Danagul Temіrsûltanovanı erekše aytar  edіm. Dariya Žusіp, Šınar Asqarqızı tağı da basqa ağa-âpkelerіmnen  bіlmegenіmdі uyrendіm. Kem-ketіgіmdі tuzedі. Aktrisa retіnde ašıluıma aqıl keñesіn bergen Esmûhan Obaev, Orazhan Kenebaev, Tûñğıšbay Žamanqûlov  sındı teatr sañlaqtarın ulgі tûtamın. Aldıñğı buın ağa –âpkelerіmіzden alatın tağılım târbiemіz âlі de köp.

 

Sûhbattasqan Maqpal Noğaybaeva

jasqazaq.kz