Âuezov teatrınıñ «Qorqıttıñ körі» qoyılımı mažar halqı nazarında

M. Âuezov atındağı Qazaq memlekettіk akademiyalıq drama teatrı sâuіr ayınıñ žiırma toğızı men mamır ayınıñ ušі aralığında Vengriya astanası Budapešt qalasında ötkіzіlgen  "Imre Madač atındağı VI - Halıqaralıq teatrlar žuzdesuі» festivalіne «Qorqıttıñ körі» spektaklіmen qatısıp, žuldelі bolıp qayttı. 

Halıqaralıq tetrlardıñ šoğırın žasap, ulken šığarmašılıq kezdesudі ûyımdastırıp, âlem teatrlarınıñ bіr-bіrіmen tâžіribe almasıp, šığarmašılıq tandemde boluına ıqpal žasağan festival ûyımdastırušısı - Mažar Ûlttıq Teatrı. 

Bûl Halıqaralıq teatr šığarmašığılınıñ dostığı qalanuına zor ıqpal žasağan Imre Madačtıñ bastaması bolatın. Festivalge âlemnіñ on ekі elі qatıstı. Onıñ іšіnde Germaniya, Franciya, Portugaliya žâne Resey sındı ulken memleketterdіñ teatrları da bar.

Qazaqstan truppasınıñ keluі vengriyalıq körermendі erekše tağatsızdana kuttіrdі. Spektakl biletterі sanaulı kun іšіnde satılıp kettі. Otandıq ûžım âygіlі qazaq dramaturgı Iran Ğayıp pesası boyınša "Qorqıttıñ körі" spektaklіn ûsındı. KSRO Memlekettіk sıylığınıñ, Litva Ûlttıq sıylığınıñ laureatı, professor, režisser Yonas Vaytkustıñ qoyılımındağı bіr žarım sağattıq іs-qimıl körermenderdі mifologizmge tolı âlemge sapar šektіrdі. Budapešt ûlttıq teatrınıñ direktorı Atilla Vidnyanskiy: «Bіzge sіzder siyaqtı öz tamırımen, dâsturlerіmen aynalısatın, onı zerttep, sahnalaytın teatrlar qızıq. Bіz bіr - bіrіmіzdі öte az bіlemіz. Al sіzder özіmіzdіñ töl tarihımızdı qalay bağalau kerektіgіnіñ žarqın ulgіsіn körsete bіldіñіzder.» - degen pіkіr qaldırdı.

"Qorqıttıñ körі" qoyılımı Budapešt qalasınıñ tûrğındarı men qala qonaqtarın beyžay qaldırmadı. Sebebі,  Mažar halqı "Qorqıt" taqırıbında іzdenіp, âlі kunge deyіn köptegen zertteuler žurgіzіp keledі. Bіzdіñ tarihımız əlem ğalımdarınıñ nazarında ekendіgіmen  qosa,  qazaq önerіnіñ, qazaq mâdenietіnіñ tağı da bіr žetіstіgі - «Qorqıttıñ körі» qoyılımınıñ âlem sahnasında sahnalanuı boldı.