كورەرمەنگە وي سالعان قويىلىم

حالقىمىزدىڭ زاڭعار جازۋشىسى, قوعام قايراتكەرى مۇحتار ومارحانۇلى اۋەزوۆ وزىنىڭ بىر سوزىندە: ­«تەاتر – سىمباتتى ونەردىڭ ىشىندەگى ەڭ زور ونەردىڭ بىرى» دەپ ايتىپ كەتكەن بولاتىن. راسىمەن دە, تەاتر – حاس سۇلۋدىڭ كوز جاسىنداي مولدىر ونەر, ول ومىرىمىزدە بولىپ جاتقان سان الۋان قۇبىلىستى ساحنالىق قويىلىم ارقىلى كورسەتۋگە نەگىزدەلەدى. 

زامان جاڭارعان سايىن, ادام ­بالاسى دا سول تالاپتارعا سايكەس يكەمدەلە باستايدى. الايدا عالامتور بىزگە ­رۋحاني بايلىق سىيلاي المايدى, سول سەبەپتى بىلىمىمىزدى جەتىلدىرۋ ­بارىسىندا شىتىرمان وقيعاعا تولى, وتاندىق جازۋشىلارىمىزدىڭ قالامىنان تۋىنداعان كىتاپتار مەن كوركەم ادەبيەت شىعارمالارىن جيى وقىپ وتىرعان ابزال. ال سول كىتاپتا جازىلعان شىعارمانى ويشا ەلەستەتىپ قانا ەمەس, كوزبەن كورىپ, ونىڭ ماعىناسىن تۋسىنۋ مۋلدەم بولەك سەزىم.
الماتى قالاسى اسەمدىگىمەن كوزدىڭ جاۋىن الاتىن, مادەنيەت پەن ونەردىڭ ىرى وشاعى, قازىرگى تاڭدا دال وسى قالادا ساحنالىق شەبەرلىگىمەن كورەرمەننىڭ ىستىق ىقىلاسىنا بولەنگەن كوپتەگەن تەاترلار جۇمىس جاساۋدا, سونىڭ بىرى قاسيەتتى دە كيەلى قارا شاڭىراق – مۇحتار اۋەزوۆ اتىنداعى قازاق مەملەكەتتىك اكادەميяلىق دراما ­تەاترى.
قاڭتار ايىنىڭ جيىرما تورتىنشى جۇلدىزىندا اتالمىش تەاتر ۇجىمىنىڭ شاقىرتۋىمەن, بىز ال-فارابي اتىنداعى قازۇۋ-دىڭ حالىقارالىق قاتىناستار فاكۋلьتەتىنىڭ وتىز شاقتى ستۋدەنتتەرى جانە مۇعالىمدەر قاۋىمى قازاقستاننىڭ حالىق جازۋشىسى, مەملەكەت قايراتكەرى شەرحان مۇرتازانىڭ شوقتىعى بيىك تۋىندىلارىنىڭ بىرى «اي مەن ايشا» شىعارماسىنىڭ جەلىسىمەن جازىلعان جاڭا ساحنالىق قويىلىمنىڭ تۇساۋىن كەسىپ, قوناق بولىپ قايتتىق. ­شەرحان مۇرتازانىڭ «اي مەن ايشا» كىتابى قالىڭ وقىرماننىڭ سۋيىكتى شىعارماسىنا اينالعان اسىل قازىنا. قازاق جۋرناليستەرىن قاناتىنىڭ استىنا الىپ تاربيەلەگەن, ۇلت رۋحانيя­تىنا ولشەۋسىز ۋلەس قوسقان, حالقىنىڭ قاستەرلى شەراعاسى, كورنەكتى قازاق قالامگەرى شەرحان مۇرتازانىڭ ­كە­زەكتى رومانى وزىنىڭ تۋعان اناسى ايشاعا ارنالعان بولاتىن. ستاليندىك قۋعىن-سۋرگىن كەزىندە شەرحاننىڭ اكەسى مۇرتازا «حالىق جاۋى» اتانىپ, جارى ايشاعا ۋش بالاسىن امانات ەتىپ قالدىرادى. بۇل شىعارمادا انانىڭ كەشكەن سول زامانداعى قيىندىعى مەن قاسىرەتىن, قوعامنىڭ ادىلەتسىز تۇستارىن كورە الاسىز. سولاردىڭ بەل ورتاسىندا جۋرگەن جەسىر ايەل ايشا شاراسىزدىقپەن قاتار, بىرىن-بىرى اش قاسقىرداي جالماعان قورقاۋلاردىڭ قورلىعىن دا كورەدى. ايمەن سىرلاسقان ايشا ادام توزگىسىز قيىندىقتاردان وتسە دە, تاعدىرعا نالىماي سوڭىنا دەيىن كۋرەسىپ, وز بالاپاندارىن قاناتتىعا قاقتىرماي, تۇمسىقتىعا شوقتىرماي ادال ارى ەڭبەكقور قىلىپ وسىرەدى.
كورەرمەنگە وي سالاتىن, شەرحان مۇرتازانىڭ تول تۋىندىسى جالعىز ايشانىڭ عانا ەمەس, بۋكىل بىر ەلدىڭ تۇتاس تاعدىرىن بەينەلەيدى. سپەكتاكلьدىڭ قوۋشى رەجيسسەرى, تەاتر ونەرىنىڭ شەبەر مايتالمانى – تۇڭعىشباي ال-تارازي «اي مەن ايشا» رومانىن ساحنالىق جولمەن استارلاپ, زالدا وتىرعان ­بارشا كورەرمەنگە جەتكىزە بىلدى دەپ ايتا الامىز. سول جەردە وتىرعان بارلىق كورەرمەن ­تەاتر ۇجىمىنىڭ ارتىستىك شەبەرلىگىنە, وز كەيىپكەرلەرىنىڭ تاعدىرىن بارشا حالىققا جەتكىزە بىلگەنىنە تامسانا تۋستى. سونىمەن قاتار ساحنالىق بەزەندىرۋدىڭ وزى سول زامانعا سايكەستەندىرىلىپ جاسالعانى ەرەكشە اسەر قالدىردى. بىز ال-فارابي اتىنداعى قازۇۋ-دىڭ حالىقارالىق قاتىناستار فاكۋلьتەتىنىڭ ۇستازدار جانە ستۋدەنتتەر قاۋىمى دال وسى شىعارمانىڭ كۋاگەرى بولعانىمىزعا دان ريزامىز جانە بىزگە ەستەن كەتپەستەي كوڭىل كۋي سىيلاعان تەاتر ۇجىمىنا ۋلكەن العىسىمىزدى بىلدىرەمىز.

الما مۇرتازا,
ديانا سەرىكقانوۆا,
قازۇۋ حالىقارالىق قاتىناستار فاكۋلьتەتىنىڭ وقىتۋشىلارى


"انا تىلى" گازەتىنەن الىندى