اۋەزوۆ تەاترىندا «Mýzei túni» جاڭا فورماتتا وتتى

24-مامىر كۋنى م.اۋەزوۆ اتىنداعى قازاق مەملەكەتتىك اكادەميяلىق دراما تەاترىندا «MÝZEI TÚNI» اتتى ەرەكشە شارا وتتى. حالىقارالىق تەاتر كۋنىنە جانە اۋەزوۆ تەاترى مۇراجايىنىڭ تۋعان كۋنىنە وراي ۇيىمداستىرىلعان كەشتە كورەرمەن قازاق تەاتر ونەرىنىڭ بۋتىندەي بىر تاريحىمەن تانىسىپ, وتكەن كۋننىڭ ىزدەرىمەن قازاق تەاترىنىڭ «التىن عاسىرىنا» ساپار شەكتى.

«اننا كارەنينا» سپەكتاكلىندەگى كوپشىلىكتى ەلەڭ ەتكىزىپ, ەسىندە قالعان  پويىزبەن ساحنا ۋستىنەن دالىزگە قاراي جۋرىپ وتكەن ارتيستەر مەن كورەرمەننىڭ ورتاسىندا ەرەكشە بايلانىس ورنادى. سەبەبى, بۇل كەشتە بارلىعى بىردەي «مۋزەي تۋنىنىڭ» وتۋىنە بىر ادامداي اتسالىستى. جاندى تەربەتەر, بويدى شىمىرلاتار ان ايتىلدى, جۋرەكتىڭ سويلەگەن ۋنىندەي پوэزيя دا وقىلدى,  بي دە, سپەكتاكلь دە, بارى بولدى. تولىعىراق تارقاتساق... 

رەسمي بولىمنەن كەيىن تەاتر جاستارى كورەرمەننىڭ ورتاسىنا شىعىپ, ل.تولستويدىڭ الەمدىك كلاسسيكالىق تۋىندىسى «اننا كارەنينا» قويىلىمىنداعى بيىن ۇسىندى. لەزدە قاراڭعىلىق ورناپ, ارتىنشا تەاترىمىزدىڭ اكتەرى, قازاقستاننىڭ ەڭبەك سىڭىرگەن قايراتكەرى – بولات ابدىلمانوۆ كورەرمەننىڭ الدىندا «اباي», تانىمال تەاتر جانە كينو اكتەرى, قازاقستاننىڭ ەڭبەك سىڭىرگەن قايراتكەرى – ەركەبۇلان دايىروۆ پەن جاس اكتريسا اسەل سايلاۋوۆا «عاسىردان دا ۇزاق كۋن», مەرەي مۇحتارۇلى مەن جانەلь ماقاجان «رومەن مەن دجۋلЬەتتا» جانە جاس اكتەر جىگىتتەر «بەيبارىس سۇلتان» سپەكتاكلىنىڭ ۋزىندىسىن ويناپ شىقتى. سونداي-اق, كونسەرتتىك باعدارلاما بويىنشا, تەاتر جاستارى «سىرلاسۋ» بۇرىشىندا مۇقاعالي پوэزيяلارىنان ۋزىندى وقىسا, «سەرپەر» جاستار سىيلىعىنىڭ يەگەرى اяن وتەپبەرگەن گيتارامەن سۋيەمەلدەپ, اجارلىم باقىتجانقىزى «مەن ساعان عاشىق ەمەس ەم», «سەن مۇڭىڭدى بەر ماعان» اتتى سىرلى اندەردى شىرقاپ, تەاتردى ليريكالىق اتموسفەراعا بولەدى. 

بۇل كەشتە كورەرمەن مۋزەيدىڭ تاريحىمەن تانىسىپ قانا قويعان جوق, ونى كوزبەن كورىپ, جۋرەكپەن سەزىندى دەۋگە تولىق نەگىز بار. سەبەبى 

تەاترىمىزدىڭ كوركەمدىك جەتەكشىسى, كسرو حالىق ارتيسى, كسرو, قازكسر مەملەكەتتىك سىيلىقتارىنىڭ لاۋرەاتى, تاۋەلسىز «تارلان» سىيلىعىنىڭ, «وتان», «قۇرمەت», «قازاقستاننىڭ ەڭبەك ەرى» وردەندەرىنىڭ يەگەرى – اسانالى اشىموۆ العىسوزدى باستاپ, جيىلعان قاۋىممەن امانداسىپ, بارلىق مۇراجاي جاناشىرلارىن مەرەكەمەن قۇتتىقتاپ قانا قويماي, تەاترىمىزدىڭ «مۋزەي» بولىمىنىڭ جەتەكشىسى – نارگيز تامابەكقىزىنا قازاقستان تەاترلار اسسوسياسيяسىنىڭ اتىنان ارنايى ديپلوم تابىستاپ, قارجىلاي سىيلىق جاسادى. سونداي-اق, سپيكەرلەردىڭ قاتارىندا قازاقستاننىڭ حالىق ارتيسى, پروفەسسور  ەسمۇحان وباەۆ, قازاقستاننىڭ حالىق ارتيسى, مەملەكەتتىك سىيلىقتىڭ لاۋرەاتى, «ەڭبەك قىزىل تۋ», «پاراسات», «وتان», 1-دارەجەلى «دوستىق»  وردەندەرىنىڭ, «مادەنيەت ۋزدىگى» توسبەلگىسىنىڭ يەگەرى – سابيت ورازباەۆ, تەاترىمىزدىڭ ديرەكتورى – قازاقستاننىڭ ەڭبەك سىڭىرگەن قايراتكەرى سابيت ابدىحالىقوۆ بولدى.

سابيت ابدىحالىقوۆ, تەاتر ديرەكتورى:

قايىرلى كەش, قىمباتتى ونەر سۋيەر قاۋىم, بۋگىنگى تەاترىمىزدىڭ ەرەكشە مادەني شاراسى "مۋزەي تۋنى" كەشىنە قوش كەلدىڭىزدەر! 

بىرىڭىز بىلسەڭىزدەر, ەندى بىرىڭىز بەيحابارسىزدار, م. اۋەزوۆ اتىنداعى قازاق  مەملەكەتتىك اكادەميяلىق دراما تەاترىنىڭ مۋزەيى  رەسمي تۋردە 1968 جىلى 24 مامىردا قازاقستاننىڭ ورتالىق مۋزەيىنىڭ فيليالى رەتىندە اشىلعان. ال قازىرگى كۋنى تەاترىمىزدىڭ مۋزەيى ەلىمىزدىڭ ۋلكەن, اۋقىمدى مۇراجايلارىمەن يىق تىرەستىرىپ, ەلگە قىزمەت ەتىپ كەلەدى.

كونەلەردىڭ كوزىندەي بولعان جادىگەرلەردى ساقتاپ, باپتاپ, ناسيxاتتاپ وتىرعان مۇراجاي قىزمەتكەرلەرىن مەرەكەمەن قۇتتىقتايمىن!

مۋزەي – تاريح قويماسى, ومىر ايناسى. مۋزەي قىزمەتكەرلەرى مەن قازاقستاننىڭ مادەني مۇراسىن ساقتاۋ, كوپشىلىككە تانىتۋ يدەяلارىنا بەي-جاي قاراماۋ تاريx مۇرالارى الدىنداعى پارىزىمىز. مۋزەيدى ەرەكشە مادەني ورتالىق رەتىندە وزىنە قىمبات جانە جاقىن سانايتىن قىمباتتى قاۋىم, رۋxاني مۇرالارىمىزبەن تانىس بولىڭىزدار! تاعى دا قوش كەلدىڭىزدەر!

راسىندا, تەاتر مۋزەيى 51-گە تولدى. جارتى عاسىر ۋاقىت ىشىندە وزىنىڭ جادىگەرلەرىن تولىقتىرۋدان بولەك, حالىقتى تەاتردىڭ وتكەنىمەن تانىستىراتىن, اكتەرلەردىڭ ومىرناماسىنىڭ ەل بىلە بەرمەيتىن بەتتەرىن جيناقتاپ, كورەرمەنگە جەتكىزەتىن ايرىقشا بەدەلگە يە بولا بىلدى.

تەاترىمىزدا 20 جىلداي ۋاقىت قىزمەت ەتىپ كەلە جاتقان نارگيز تامابەكقىزى جەتەكشىلىك ەتەتىن «مۋزەي» بولىمىندە جۇمىس ىستەيتىن ماماندار جىل سايىن شىعاتىن گازەت قيىندىلارىنا دەيىن ساقتاپ كەلەدى. 

تەاترىمىزداعى «مۋزەي تۋنىنىڭ» بولەر اسەرىن  كورەرمەنگە ەشبىر كىتاپ, ەشبىر ەل اۋزىنداعى ەستەلىكتەر دە بەرە الماسى انىق. بۇل شارانى كورگەن دە, كورمەگەن دە ارماندا. 

ايتا كەتەيىك, 2018 جىلى تەاتر مۋزەيىنە مەرەيلى 50 جىل تولعاندا دا «مۋزەي تۋنى» جوعارى دەڭگەيدە وتكەن بولاتىن.


گۋلىم رىسقۇل