قازاقستاننىڭ xالىق ارتيسى - اشىرالى كەنجەەۆ تۇرعان ۋيگە ارنايى تاقتاشا ورناتىلدى

اكتەر, قازاقستاننىڭ حالىق ارتيسى – اشىرالى كەنجەەۆ تۇرعان ۋيگە ارنايى تاقتايشا ورناتىلدى. تاقتايشانىڭ اشىلۋ راسىمىنە الماتى قالاسى اكىمىنىڭ كەڭەسشىسى ماماي قانيۇلى قاتىستى. 

سونداي-اق,  اشىلۋ سالتاناتىندا كسرو xالىق ارتيسى, قازاقستاننىڭ ەڭبەك ەرى – اسانالى اشىموۆ, قازاقستاننىڭ ەڭبەك سىڭىرگەن قايراتكەرى, پروفەسسور اۋباكىر راxيموۆ, ا.كەنجەەۆتىڭ جۇبايى, قازاقستاننىڭ xالىق ارتيسى, اكتريسا تورعىن تاسىبەكوۆالار سوز سويلەپ, ەستە قالعان جىلى ەستەلىكتەرىمەن بولىستى. شاراعا م.اۋەزوۆ اتىنداعى قازاق مەملەكەتتىك اكادەميяلىق دراما تەاترىنىڭ ورتا بۋىن جانە اعا بۋىن وكىلدەرى تۋگەل قاتىسىپ, اكتەر, حالىق ارتيسى جايلى سىر شەرتىستى. 

ايتا كەتەيىك, تاقتايشا جامبىل جانە جەلتوقسان كوشەلەرىنىڭ قيىلىسىنداعى كوپقاباتتى ۋيدە ورناتىلعان.