«اقتاستاعى احيكونى» استانا جۇرتشىلىعى ەرەكشە ىقىلاسپەن قابىلدادى


كەشە, 29 قاراشادا استاناداعى بەيبىتشىلىك جانە كەلىسىم سارايىندا قازاقستان رەسپۋبليكاسى تۇڭعىش پرەزيدەنتى كۋنىنە ارنالعان «اقتاستاعى احيكو» سپەكتاكلىنىڭ قويىلىمى بولدى. قويىلىمدى تاماشالاۋعا مەملەكەتتىك حاتشى گۋلشارا ابدىحالىقوۆا, مادەنيەت جانە سپورت مينيسترى ارىستانبەك مۇحامەديۇلى, جاپونيяنىڭ قازاقستانداعى توتەنشە جانە وكىلەتتى ەلشىسى يتيرو كاۆاباتا, قويىلىم يدەяسى اۆتورلارىنىڭ بىرى, زاڭ عىلىمدارىنىڭ دوكتورى, پروفەسسور, كارلاگتى زەرتتەۋشى عالىم نۇرلان دۋلاتبەكوۆ قاتىستى.

وزىنىڭ قيىن دا قيلى تاعدىرىن ارقاۋ ەتكەن سپەكتاكلьدى كورۋگە احيكو تەسۋرو قاراعاندى قالاسى ماڭىنداعى اقتاس كەنتىنەن ارنايى استاناعا كەلدى.

«اقتاستاعى احيكو» سپەكتاكلىن كورۋگە اسىققان استانا جۇرتشىلىعى بەيبىتشىلىك پەن كەلىسىم سارايىنىڭ كەڭ دە ساۋلەتتى زالىن لىق تولتىردى. سپەكتاكلь ۋلكەن تابىسپەن وتىپ, كورەرمەندەردىڭ ەرەكشە ىقىلاسىنا بولەندى.

15 جاسىندا جازىقسىز ۇستالىپ, كارلاگ تۋرمەسىنە تۋسىپ, 10 جىل وتىرعان احيكو تەسۋرونىڭ ساحناداعى بەينەسى جانە وعان جەلىلەس الاش زيяلىلارىنىڭ جيىندىق وبرازدارى, سول زامانداعى ساяسي جازالاۋ ماشيناسىنىڭ ادام ايتسا نانعىسىز زۇلىمدىعى كورەرمەندى بەي-جاي قالدىرعان جوق. سپەكتاكلьدىڭ ار ساتىن, اكتەرلەردىڭ ار قيىمىلىن, سوزىن, جۋرىسى مەن ارەكەتىن جىتى باقىلاعان كورەرمەن كەي تۇستاردا كوز جاسىنا ەرىك بەرىپ, قويىلىم وقيعاسىنىڭ ىشىنە ەنىپ, كەيىپكەرلەردىڭ حالىن جان-تانىمەن سەزىندى. تەاتر اكتەرلەرىنىڭ وينىنا تانتى بولعان استانالىق كورەرمەن شىمىلدىق جابىلعانشا قول سوعۋىن جالعاستىردى. سپەكتاكلьدىڭ باس كەيىپكەرى, كوزى تىرى احيكو تەسۋروعا دەگەن كورەرمەن ىقىلاسى دا ەرەكشە بولدى.

قويىلىمدى باستان-اяق تاماشالاعان مەملەكەتتىك حاتشى گۋلشارا ابدىحالىقوۆا, مادەنيەت جانە سپورت مينيسترى ارىستانبەك مۇحامەديۇلى وز كەزەكتەرىندە تەاتر ۇجىمىنىڭ ەڭبەگىن جوعارى باعالادى.

قويىلىم سوڭىندا تەاتر ديرەكتورى ەرلان بىلال باستاعان ۇجىم سپەكتاكلьدىڭ باس كەيىپكەرى احيكو تەسۋرو مەن جۇبايىن ساحناعا شاقىرىپ, قازاق داستۋرىنە ساي قۇرمەت كورسەتىپ, يىعىنا شاپان جاپتى.

ومىرجان ابدىحالىقۇلى