Рушылдықтың құрбаны болған екі жастың махаббат драмасы

19 сәуір күні Алматыда Мұхтар Әуезов атындағы Қазақ ұлттық драма театрында «Еңлік-Кебек» пьесасы сахналанды.

Тарихы 18 ғасырдан бастау алатын, ел арасына кең тараған бұл шығарма екі жастың махаббатын жыр етеді. Қойылымның қоюшы-режиссері – Қазақстанның еңбек сіңірген қайраткері Әлімбек Оразбеков.

Қойылым екі актерлік құрамнан тұрады. Сәуегей абызды Қазақстанның еңбек сіңірген қайраткерлері – Бекжан Тұрыс пен Бақтияр Қожа, Еңлікті – Захира Рахымжан мен Мақпал Қасенова, тобықты батыры Кебекті – Әділет Базарбайұлы мен Ғалым Амангелдіұлы, найман батыры Есенді – Нұрғиса Қуанышбайұлы мен Қасым Демеу, Жапалды – Құрақ Алмат пен Бекет Райымбек сынды актерлер сомдайды. Премьера халықтың көңілінен шықты.

Қойылым режиссері Оразбеков ол заманда жастар арасында теңдік болмағанын және қандай жағдайда да дала заңына естен шығармау керектігін айтты.

Айта кетейік, бұған дейін «Еңлік-Кебек» туындысы үш режиссердің сахналауымен үш нұсқада қойылған еді.

Фото: Әуезов театрының баспасөз қызметі

Рушылдықтың құрбаны болған екі жастың махаббат драмасы - Exclusive